قتج قىزمەتكەرلەرى 2 جىل بويى تەمىر جولعا ارنالعان ماتەريالداردى ۇرلاۋمەن اينالىسقان.

باس كولىك پروكۋراتۋراسىنىڭ ءباسپاسوز قىزمەتى تاراتقان اقپاراتقا سايكەس قىلمىستىق توپ  ۇرلاعان توسەمدەر، شپالدار، رەلستەر جانە باسقا دا تاۋارلار جارامسىز نەمەسە بەلگىلى ءبىر اقاۋى بار جاراقتارمەن اۋىستىرىلدى دەپ ەسەپتەن شىعارىلعان.

«قىلمىستىق توپقا «قتج «ۇك» اق-ى قاراعاندى بولىمشەسىنىڭ 17 قازىرگى جانە بۇرىنعى جۇمىسشىلارى تارتىلعان. ولارعا پوليتسيا قىزمەتكەرى قامقورلىق جاساعان»»

قولدى بولعان 800 تونناعا جۋىق ماتەريالدىڭ قۇنى 127 ملن تەڭگەگە باعالانعان.

بۇگىنگى تاڭدا ۇرلانعان تاۋارلاردىڭ كوپشىلىگىن ساتىپ الۋشىلارى مەن ورنالاسقان جەرلەرى، سونداي-اق ولاردى تاسىمالدايتىن جۇك كولىكتەرى انىقتالدى.

سوتتىڭ سانكتسياسىمەن جاڭاارقا جول ديستانتسياسىنىڭ ۋچاسكە باستىعى جانە ونىڭ ورىنباسارى، سونداي-اق جەلىلىك پوليتسيا بولىمشەسىنىڭ باستىعى تەرگەۋ يزولياتورىنا قامالدى.

Abai.kz