ساراپشىلار قازاقتىلدى ينتەرنەت قارقىندى دامىپ كەلەدى دەيدى. الايدا رەداكتسيا جۇرگىزگەن رەيتينگ بويىنشا، قازاق سايتتارى از، ونىڭ اراسىندا تانىمال، جان جاقتى اقپارات بەرەتىندەرى جوقتىڭ قاسى. ءبىر قىزىعى، كازاق وقىرمانى باق-تى تەك اقپارات الۋ عانا ءۇشىن وقىمايدى ەكەن. رەيتينگ وتكىزۋ بارىسىندا ءتىلشىمىز وسىنداي جانە باسقا دا قىزىقتى «جاڭالىقتاردى» اشتى.

وقىرمان رەتىندە ءبىزدىڭ ساۋالناماعا قاتىسقان قازاقتىلدى ساياساتتانۋشى، جۋرناليست، ساياساتكەرلەرلەر اراسىندا ءبىرازدان بەرى قازاق سايتتارىن وقىمايتىندارى دا بار بولىپ شىقتى. ءتىپتى، كەيبىرەۋلەرى سۇراقتارعا جاۋاپ بەرۋدەن باس تارتتى.

ساندارعا سۇيەنسەك...

رەسمي دەرەكتەرگە سۇيەنسەك، قازاقستاندا ورىس تىلىندەگى - 32 680, اعىلشىن تىلىندە 4500 سايت بار. ال مەملەكەتتىك تىلدەگى سايتتار سانى ءتىپتى 4 مىڭ­عا دا جەت­پە­گەن. ەگەر پايىزدىق كورسەتكىشتەرگە شاقساق، ءورىستىلدى ينتەرنەت رەسۋرس - 79,6%، اعىل­­شىنتىلدى - 11%، قازاقتىل­دى - 9,3%. كەيبىر رەسمي دەرەكتەر بويىنشا، ەلىمىزدەگى جۇيەلى تۇردە جۇمىس ىستەيتىن قازاقتىلدى 100 سايتتىڭ ىشىندە بەدەلدى دەگەن نەبارى 11 سايت بار ەكەن، ونىڭ ىشىندە اقپاراتتىق سايتتار ەكى-ۇشتەن اسپايدى.

ساۋالناماعا قاتىسقان ساراپشىلاردىڭ سوزدەرىنە قاراعاندا، جاعداي ودان دا مۇشكىل سەكىلدى.

سايتتار رەيتينگىن جاساۋ ءۇشىن ءبىز ولارعا مىناداي سۇراقتار قويدىق:

1. ءسىز قازاق ينتەرنەت-سايتتارىنىڭ ىشىندە قايسىسىن كۇندەلىكتى وقيسىز؟

ساراپشىلار قازاقتىلدى ينتەرنەت قارقىندى دامىپ كەلەدى دەيدى. الايدا رەداكتسيا جۇرگىزگەن رەيتينگ بويىنشا، قازاق سايتتارى از، ونىڭ اراسىندا تانىمال، جان جاقتى اقپارات بەرەتىندەرى جوقتىڭ قاسى. ءبىر قىزىعى، كازاق وقىرمانى باق-تى تەك اقپارات الۋ عانا ءۇشىن وقىمايدى ەكەن. رەيتينگ وتكىزۋ بارىسىندا ءتىلشىمىز وسىنداي جانە باسقا دا قىزىقتى «جاڭالىقتاردى» اشتى.

وقىرمان رەتىندە ءبىزدىڭ ساۋالناماعا قاتىسقان قازاقتىلدى ساياساتتانۋشى، جۋرناليست، ساياساتكەرلەرلەر اراسىندا ءبىرازدان بەرى قازاق سايتتارىن وقىمايتىندارى دا بار بولىپ شىقتى. ءتىپتى، كەيبىرەۋلەرى سۇراقتارعا جاۋاپ بەرۋدەن باس تارتتى.

ساندارعا سۇيەنسەك...

رەسمي دەرەكتەرگە سۇيەنسەك، قازاقستاندا ورىس تىلىندەگى - 32 680, اعىلشىن تىلىندە 4500 سايت بار. ال مەملەكەتتىك تىلدەگى سايتتار سانى ءتىپتى 4 مىڭ­عا دا جەت­پە­گەن. ەگەر پايىزدىق كورسەتكىشتەرگە شاقساق، ءورىستىلدى ينتەرنەت رەسۋرس - 79,6%، اعىل­­شىنتىلدى - 11%، قازاقتىل­دى - 9,3%. كەيبىر رەسمي دەرەكتەر بويىنشا، ەلىمىزدەگى جۇيەلى تۇردە جۇمىس ىستەيتىن قازاقتىلدى 100 سايتتىڭ ىشىندە بەدەلدى دەگەن نەبارى 11 سايت بار ەكەن، ونىڭ ىشىندە اقپاراتتىق سايتتار ەكى-ۇشتەن اسپايدى.

ساۋالناماعا قاتىسقان ساراپشىلاردىڭ سوزدەرىنە قاراعاندا، جاعداي ودان دا مۇشكىل سەكىلدى.

سايتتار رەيتينگىن جاساۋ ءۇشىن ءبىز ولارعا مىناداي سۇراقتار قويدىق:

1. ءسىز قازاق ينتەرنەت-سايتتارىنىڭ ىشىندە قايسىسىن كۇندەلىكتى وقيسىز؟

2. ونىن ىشىندە قايسىسى ۇنايدى جانە نەسىمەن ۇنايدى؟
3. ەگەر وزىنىزشە رەيتينگ جاسايتىن بولساڭىز، وقيتىن، بىلەتىن قازاق سايتتارىن قالاي ورنالىستار ەدىڭىز، جانە قانداي سەبەپپەن؟ 
4. قازاق سايتتارى از دەپ ويلايسىز با، ولاي بولسا، وعان نە كەدەرگى؟ سايتتاردىڭ ساپاسىن قالاي باگالايسىز؟

ساۋالناما ناتيجەسى بويىنشا، ءبىز العاشقى بەستىكتى شىعاردىق.

تانىمال، قىزىقتى، كۇندەلىكتى وقيتىن اقپاراتى بار دەگەن سايتتار بىلاي ورنالاستى:

1. ءبىرىنشى ورىندا - اباي.كز (www.abai.kz),

2. ەكىنشى ورىندى ازاتتىق راديوسىنىڭ سايتى (www.azattyq.org) جانە سەركە سايتى (Serke.org) يەلەندى.

3. ءۇشىنشى «جاس الاش» گازەتىنىڭ سايتى (www.zhasalash.kz) جانە ۇلت سايتى (www.ult.kz) تۇر.

4. ءتورتىنشى ورىندا جاناوزەن.نەت سايتى، سونداي اق، Dala.tv, قامشى.كز، مايدان.كز،جاقسى.كز، ماسا.كز، دەگەن سايتتار ورنالاستى.

5. بەسىنشى ورىندى رەسمي، تەك اقپارات تاراتاتىن رەسۋرستار يەلەندى: قازاقپارات اگەنتتىگى, www.baq.kz سايتى.

«كوش جۇرە تۇزەلەدى»...

ساياساتتانۋشى راسۋل جۇمالى, اباي.كز سايتىنىڭ فەنومەنىن بىلاي تۇسىندىرەدى.

- مەن «اباي كز.» ينتەرنەت-پورتالىن ەرەكشە اتاپ وتەر ەدىم. ءجيى بولماسا دا، وسى ينتەرنەت باسىلىمدى قاراپ تۇرامىن. سەبەبى، بۇل پورتالدا تەك قانا اعىمداعى وقيعالار مەن جاڭالىقتار قامتىلىپ قانا قويماي، جاقسى سۇحباتتار مەن باسقا باسىلىمداردىڭ دا ساراپتامالىق ماتەريالدارىن قامتيتىن ينتەرنەت باسىلىم. ماعان، بۇل پورتال كولەمدى دۇنيەلەر مەن كوپتەگەن تاقىرىپتاردى قامتيتىنى، كەلەلى ماسەلەلەردى كەڭىنەن تاراتۋ ءتاسىلى ۇنايدى. جانە بۇل باسىلىم تەك قانا وزدەرىنىڭ ءتول دۇنيەلەرىن عانا ەمەس، باسقا دا باسىلىمداردىڭ ماتەريالدارىن تاراتادى. ۇشىنشىدەن «اباي كز.» پورتالى ءاربىر وقىرمانىنىڭ ءوز پىكىرىن قالدىرۋعا جانە بلوك ارقىلى پىكىر الماسۋعا مول مۇمكىندىك جاساۋىمەن ەرەكشەلەنەدى. سونىمەن قاتار قازاقشا ينتەرنەت باسىلىمداردىڭ ىشىندە «جاس الاش»، «ازاتتىق» راديوسىنىڭ، «جاڭاوزەن» سايتتارىن قارايمىن.

ول الداعى ۋاقىتتا قازاق ينتەرنەت باسىلىمدارىنىڭ ساپاسى كوتەرىلەتىنىنە سەنىمدى:

سوڭعى جىلدارى قازاق ينتەرنەت سايتتارىنىڭ سانى ارتپاسا، كەمىدى دەپ ايتا المايمىن. بىراق ءالى دە بولسا، بۇل قارقىن ءتيىستى دارەجەدە ەمەس، سان ارتسا، ساپا دا ارتىپ، ءوزارا باسەكەلەستىك تۋار ەدى. بۇل جۋرناليستەر مەن وقىرماندار ءۇشىن وتە ءتيىمدى بولار ەدى. ءوزىم وقيتىن سايتتاردىڭ كونتەنتىنىڭ ساپاسىنا كوڭىلىم تولادى دەسەم، وتىرىك بولادى. «كوش جۇرە تۇزەلەدى» دەيدى، الداعى ۋاقىتتا قازاق ينتەرنەت باسىلىمدارىنىڭ ساپاسى كوتەرىلەتىنىنە سەنىمدىمىن.

"تەك قانا «اباي. كز» عانا قارايمىن"

ءوز كەزەگىندە «ۇلت تاعدىرى» قوزعالىسىنىڭ توراعاسى دوس كوشىم سۇراقتارىمىزعا بىلاي دەپ جاۋاپ بەردى.

- مەن «جاقسى»، «مايدان» سياقتى سايتتاردى بىلەمىن. بىراق تەك قانا «اباي. كز» عانا قارايمىن. سوندىقتان ماعان ولاردى سالىستىرۋ قيىن. «ابايدا» ءوزىم ىزدەگەن پىكىرلەر تابىلادى جانە «سوقىر كورگەنىنەن جازباس» دەگەن سياقتى عوي. مەنىڭشە، قازاقشا كونتەنتى بار سايت از ەمەس. سوڭعى ءۇش جىلدى الىپ قاراساق، ۇلكەن سەكىرىس بولعانى بايقالادى. «اباي كز» سايتىنىڭ ىشىنەن باسقا دا سايتتارعا سىلتەمە تابىلادى جانە باسقا باسىلىمداردىڭ ماتەريالدارىنا ورىن بەرىلەدى. بىزدەگى كوپ سايتتاردىڭ بىرىنە ءبىرىنىڭ ۇقساستىعى باسىم. ياعني، ۇلتتىق ماسەلەنى كوتەرەدى. سوندىقتان باسقا سايتتاردى قاراۋ مەن ءۇشىن ۋاقىتتى الادى دەپ بىلەمىن. قاجەتتى دۇنيەنى «ابايدان» تاباتىندىقتان جانە كومپيۋتەردى جەتە بىلمەيتىندىكتەن وسى ءبىر عانا پورتالدى قارايمىن.

"ول سايتتى وقۋعا ءماجبۇرمىن"

ب. تايجان اتىنداعى كوردىڭ باسشىسى مۇحتار تايجان كەيبىر سايتتاردى مىندەتتى تۇردە وكيتىنىن جەتكىزدى.

- «قامشى»، «جاقسى» سايتتارىن قارايمىن. سونعى كەزدە ءماجبۇرلى تۇردە «سەركەنى» وقيمىن، ويتكەنى ول جەردە ءوزىڭ تۋرالى بىلمەيتىن اقپاراتتى كورەسىڭ كەيدە. «مايدان»، «جاس الاش»، «جاس قازاق ءۇنى» جانە قازاقپارت اگەنتتىگىن قارايمىن، وندا اقپاراتتى جىلدام تاراتۋ ءتاسىلى ۇنايدى. «جاس الاش»، «اباي.كز» پورتالدارىنا جاقسى باعا بەرەر ەدىم. «دالا تۆ»-نى تاماشالاۋ ۇنايدى. ەگەر ولاردىڭ ساپاسى تۋرالى ايتساق، قازاق ءتىلدى ينتەرنەت- باسىلىمداردان ىشكى ماسەلەگە قۇرىلعان اسا ماڭىزى جوق، جاتتاندى ماتەريالداردى عانا تاباسىز. مەنىڭشە، ولار الەمدىك دەڭگەيدەگى جاڭالىقتاردى تام-تۇمداپ قانا تاراتادى. بۇل ارينە، جاقسى ءۇردىس ەمەس.

"قوعام قانداي - سايتتارىمىز دا سونداي!"

ساياساتكەر ءامىرجان قوسانوۆتىڭ سوزىنە قاراعاندا، ول بارلىق باسىلىمداردى شولۋعا تىرىسادى ەكەن.

- ءتىلىمىزدىڭ عالامتوردا دامۋ دەڭگەيىن باقىلاپ وتىرۋ ماقساتىندا، ۇلگەرگەنشە قازاق سايتتارىنىڭ بارلىعىن وقۋعا تىرىسامىن. بىراق قول تيە بەرەدى دەپ ايتا المايمىن. ءبىر قۋانتارلىعى: قازاق ءتىلى الەۋمەتتىك جەلىلەردە دە جاقسى دامىپ كەلەدى، مىقتى بلوگشىلار بار، ولاردىڭ عالامتورلىق شىعارماشىلىعىنان دا حاباردار بولۋعا تىرىسامىن. ۇنايتىنى دا بار، ۇنامايتىنى دا بار، جۇرەككە ەش اسەر ەتپەيتىنى دە بار. وركەنيەتتىسى دە بار، وسەك-اياڭعا جاقىندارى دا بار. قوعام قانداي - سايتتارىمىز دا سونداي!

ساياساتكەر رەيتينگتى بىلاي جاساپ شىقتى.

- پالەنشە ءبىرىنشى، تۇگەنشە ەكىنشى دەگەن پرينتسيپ جوق مەندە، كەيدە كۇندەلىكتى شولىپ جۇرگەن سايتتارىڭنىڭ وزىنەن ىزدەگەن نارسەڭدى تابا الماي قالاتىن كۇندەر دە بوپ قالادى عوي. شارتتى تۇردە بىلاي ورنالاستىرار ەدىم. كومپيۋتەرىمە قاراسام، ەڭ ءجيى وقيتىندارىم مىنالار ەكەن: اباي.كز، جاڭاوزەن.نەت، دالا تۆ، ماسا.كز، ازاتتىق.ورگ، ۇلت.كز، التىنوردا.كز، شىن.كز، سەركە.كز وسىلارعا قوسارىم. «رەسپۋبليكا» سايتىندا قازاقشا ماقالالار بەرىلە باستادى، ساپاسى، تاقىرىبى ءبىرشاما ءتاۋىر، بىراق ءالى دە سانى از دەپ ويلايمىن. مەنىڭشە، ءبىر-ەكى ماتەريال بەرۋ جەتكىلىكسىز، دەربەس قازاق سايتى اشىلماي بولمايدى. قازاق ءتىلى مەن قازىرگى قازاق قوعامى ءۇشىن قازاق سايتتارىنىڭ سانى، ارينە، از. كوبەيۋىنە كەدەرگى بوپ تۇرعانى - قارجى مەن ءتيىستى ماماندار تاپشىلىعى. تاقىرىپ جاعىنان دا دارالانا ءتۇسۋى قاجەت دەپ ويلايمىن. ساپاسى ارقيلى: بىزدەردە اناداي بار، مىناداي بار. بىراق كوش جۇرە تۇزەلەدى دەپ ويلايمىن. جانە قازاق سايتتارى قازاقستان اقپارات كەڭىستىگىندە شەشۋشى رول اتقارادى دەپ سەنەمىن!

قازاق سايتتارى ءدىني باعىت العان سياقتى

ال جۋرناليست قاسىم امانجول سايتتاردى بىلايشا ءتىزىپ شىقتى.

- «ازاتتىق» راديوسىنىڭ سايتىن قارايمىن. بۇل سايتتىڭ تاقىرىپتارىنىڭ ارالۋاندىعى، ءار ءتۇرلى ازاماتتاردىڭ پىكىرلەرىمەن ماتەريال بەرۋى ۇنايدى. مۇنان بولەك «اباي كز.»، «Cەركە»، «ماسا» سياقتى سايتتاردى قارايمىن. مەنىڭشە، قازاق كونتەنتتى سايتتار وتە از. بىرىنشىدەن بۇل جەردە ءار سايتتىڭ قۇرىلتايشىلار مەن قارجىنىڭ ساپا مەن سانعا اسەر ەتەرى ءسوزسىز. دەسەك تە، سوڭعى كەزدەرى قازاق تىلىندەگى سايتتاردىڭ قارقىندى دامىپ كەلە جاتقانىن مويىندايمىن. بيلىك تاراپى دا بۇل سالاعا مونيتورينگ جۇرگىزىپ، ءوزارا سالىستىرىپ وتىرادى. ال سايتتاردىڭ ءوزارا ەرەكشەلىگى جونىندە ءدوپ باسىپ ەشتەڭە ايتا المايمىن.

تاعى ءبىر ارىپتەسىمىز «جاس الاش» گازەتىنىنىڭ باس رەداكتورى رىسبەك سارسەنباي بۇگىنگى قازاق سايتتارىنا اسا كوڭىلى تولمايتىنىن ايتادى.

- قازاق سايتتارىندا كۇندەلiكتi وقيتىنداي تارتىمدى، مازمۇندى دۇنيەلەر بولا بەرمەيدi. سوندىقتان ولاردى قاراۋىم سيرەك. ولاردىڭ اراسىندا اسا ۇنايتىندايى جوق. ءبارi بiرتەكتەس. قازاق سايتتارىنىڭ از بولۋ سەبەبiن انا تiلiمiزدiڭ بيلiكتە، ساياساتتا، قوѕامدا، الەۋمەتتە، ەكونوميكادا، عىلىمدا ت.ب. جەتەكشiلiك ورنىن تاپپاۋىنان، سايتتى اشۋشىلاردىڭ جۋرناليستiك قارىم-قابiلەتiنiڭ، iزدەنiسiنiڭ ازدىعىنان، قاراجاتتىڭ كەمدiگiنەن، قولداۋشىنىڭ ماردىمسىزدىعىنان iزدەيiك. ساپاسى وسىلارعا تاۋەلدi,- دەيدى ول.

جۋرناليست وراز الىمبەكوۆ، قازاق سايتتارىنان تەك اقپارات الاتىنىن جەتكىزەدى.

كوبىنە "قازاقپارات" سايتىن عانا وقيمىن. مەنى تەك اقپارات عانا قىزىقتىرادى. ارينە، اقپارات تاراتۋدى باق.كز سايتى الدا كەلەدى. بىراق مەن ونى وقىمايمىن. سەبەبى ونداعى اقپاراتتار ءورىستىلدى سايتتاردان اۋدارىلىپ بەرىلىپ وتىرادى. كوبىنە ءورىستىلدى اقپاراتتاردى قاراپ وتىرعاندىقتان، باق.كز-نىڭ ماعان كەرەگى بولماي تۇر. قوعامدىق-ساياسي تاقىرىپ بويىنشا جازاتىن قازاق سايتتارىن ەكىگە ءبولىپ قارايمىن: اقپاراتتىق جانە ماقساتتى يدەولوگيالىق. اقپاراتتىق سايتتاردىڭ الدىنعى قاتارىندا 1.باق.كز، 2.bnews.kz/kk/ ، 3. ۇلت.كز سايتتارى كەلە جاتىر. بىراق، بۇل سايتتار ءوزىنىڭ سيپاتىنا قاراي قوعامدىق پىكىرگە اسەر ەتۋى ءالسىز. قوعامدىق ساياسي تاقىرىپتاردى قوسا كوتەرەتىن ماقساتتى يدەولوگيالىق سايتتاردىڭ رەيتينگى مىنانداي. 1.اباي.كز; 2.نامىس.كز; 3. ماسا.كز 4. سەركە.ورگ; 5.شىن.كز; 6.جاقسى.كز جانە قمدب-نىڭ قاراماعىنداعى مەشىت سايتتارى. قوعامدىق ساياسي تاقىرىپتى قوزعايتىن قازاق سايتتارىنىڭ ءبارى ءدىني (يسلامي) يدەولوگيالىق ماقسات بويىنشا باعىت العان سياقتى.

ارىپتەسىمىزدىڭ پىكىرىنشە قازاق سايتتارىنا سۇرانىس از.

- قازاق سايتتارى ءالى از جانە ولاردىڭ ساپالىق دەڭگەيى سىن كوتەرمەيدى. بۇعان سەبەپ قارجىنىڭ جوقتىعى. ويتكەنى قازاقستاندىق قوعامدا ءورىستىلى ۇستەمدىك قۇرىپ وتىر: مەملەكەت ىستەرى، ساياساتتىڭ ءتىلى، نارىق پەن بيزنەستىڭ ءتىلى ورىسشا. سوندىقتان، قازاق سايتتارىنا سۇرانىس از. قارجىنىڭ دا قازاق سايتتارىنا تارتىلمايىنىڭ سەبەبى وسىندا جاتىر. بىراق، قوعامنىڭ قازاقيلانۋى ءۇردىسى شاپشاڭداپ كەلەدى. سوندىقتان، قازاق ءتىلدى باق-تىڭ، ونىڭ ىشىنە قازاقتىلدى سايتتار دا كىرەدى، بولاشاعى بار، دەگەن ويدا جۋرناليست.

تاعى ءبىر بۇرىڭعى ارىپتەسىمىز، ەرجان ءابدرامان قازاقشا سايتتاردى اسا وقىمايتىن بولىپ شىقتى.

- ءوزىم كۇندەلىكتى جىبەرمەي وقيتىن قازاقشا سايت جوق. بۇعان ولاردىڭ دەڭگەيىنىڭ تومەندىگى سەبەپ بولماۋى مۇمكىن. ءوزىم وقىعىم، بىلگىم كەلەتىن نارسەلەردى قازاق سايتتارىنان ەمەس ءورىستىلدى سايتتاردان تابام. ول - ەڭ الدىمەن وپەراتيۆتى، ەكسكليۋزيۆتى، قىسقا دا نۇسقا اقپارات جانە بەيتاراپ تالداۋ. الدىنا وسىنداي ماقسات قويىپ، سوعان جەتۋ ءۇشىن جۇمىس ىستەپ جاتقان قازاق سايتتارىن بىلمەيمىن. ولاردىڭ ارقايسىسىنىڭ تاڭداپ العان قۇندىلىقتارى مەن كوزقاراستارى بار، سولاردى تاڭۋعا بەيىم.

سايتتار ساپاسىن تالداعان جۋرناليست كەيبىرەۋلەرىنە بىلاي دەپ باعا بەرەدى.

- الايدا، جوعارىداعى تالاپتارعا ءبىرشاما جاۋاپ بەرەتىن سايتتار جوق ەمەس. مىسالى، ازاتتىق راديوسى. وندا اقپارات دايىنداۋ، بەرۋ، تالداۋ باسقالارعا قاراعاندا ىلگەرى. بىراق تەزدىك جەتىسپەيدى، سوسىن ولار دا ماسەلەنىڭ وزدەرىنىڭ رەداكتسيالىق ساياساتىنا سايكەس كەلەتىن جاعىن كورەدى. ياعني، ازاتتىقتىڭ سايتىن اشاردىڭ الدىندا وندا قاي ماسەلەنىڭ قالاي جازىلاتىنىن شامالاپ بولسا دا بىلە الاسىز. تاعى ءبىر سايت "سەركە". ونىڭ وزگەلەردەن ارتىقشىلىعى - ەكسكليۋزيۆ ماتەريالدارى مەن ساراپتامالارى، باتىلدىعى، تاقىرىپتى وقىرمانعا قىزىق پا دەگەن پرينتسيپ بويىنشا تاڭدايتىنى، ياعني جۋرناليستيكانىڭ باستى پرينتسيپتەرىن ۇستاناتىنى. ماعان ۇنامايتىن جاعى - كوپ ماتەريالداردى پسەۆدونيممەن جازاتىنى جانە بىرەۋلەردىڭ سوڭىنا ءتۇسىپ، ال بىرەۋلەرگە پيار جاسايتىنى.

Cاياساتكەر سەرىكجان مامبەتالين دا بۇل پىكىرگە قوسىلىپ وتىر.

ءوز باسىم Abai.kz, Serke.kz جانە اzattyq.org سايتتارىن. سەبەبى، Serke ءبىراز ۋاكىتتان بەرى ساياسي تاقىرىپقا ساراپتامالىق ماقالالار شىعارىپ وتىراتىن بولدى، Abaiدى باياعىدان وقيمىن، ال ازاتتىق شەت ەلدەگى جاڭالىقتاردى شىعارادى. ءوز رەيتينگىمدى بىلاي قويار ەدىم: 1.Aزاتتىق، 2.Aباي.kz. 3. Serke.org. قازاقشا سايتتار از، اسىرەسە شەتەل جاڭالىقتارىن بەرەتىڭ سايتتار

اسىل راحمەتوۆا

رەداكتسيادان: رەداكتسيا قازاق سايتتارى اراسىندا رەيتينگ جاساپ شىقتى. ناتيجەسىندە، Abai.kz بىرىنشە ورىندى، Serke.kz جانە اzattyq.org سايتتارى ەكىنشى، ال، «جاس الاش» پەن ۋلت.كز. ءۇشىنشى ورىنعا شىقتى. ساراپشىلاردىڭ پىكىرىنشە، قازاق سايتتارى از. ونىڭ دامۋىنا قارجىنىڭ جوقتىعى قولبايلاۋ بولىپ وتىر. الايدا، ساراپشىلاردىڭ كوبىنىڭ قازاق سايتتارىن وقىمايتىنىن ايتقاندارىن ەسكەرسەك، وندا ماسەلە اقشادا ەمەس، سۇرانىستىڭ جوقتىعىندا سەكىلدى.

ماتەريال «رەسپۋبليكا» گازەتىنىڭ فەيسبۋك پاراقشاسىنان الىندى