قوعام بەلسەندىسى جانبولات ماماي شارتتى تۇردە 6 جىلعا سوتتالدى. سوت ونى قر قك 378-بابى بويىنشا كىنالى دەپ تاۋىپ، قىلمىس مەرزىمىنىڭ وتۋىنە بايلانىستى قىلمىستىق جاۋاپتىلىقتان بوساتتى. سونىمەن قاتار، ماماي قر قك 274 جانە 272-باپتارى بويىنشا كىنالى دەپ تانىلدى.

«باس بوستاندىعىنان ايىرۋدىڭ 6 جىلىن وتەۋگە تۇپكىلىكتى تاعايىندالسىن. قر قك 63-بابىنا سايكەس تاعايىندالعان جازا پروباتسيالىق باقىلاۋدى بەلگىلەي وتىرىپ، شارتتى دەپ ەسەپتەلسىن. ۇكىم زاڭدى كۇشىنە ەنگەنگە دەيىن بۇلتارتپاۋ شاراسى قالدىرىلسىن»، - دەلىنگەن سوت شەشىمىندە.

سونداي-اق، بەلسەندىگە التى جىل بويى پۋبليتسيستيكالىق، جۋرناليستىك جانە قوعامدىق-ساياسي قىزمەتپەن اينالىسۋعا تىيىم سالىندى. ماماي ۇكىممەن كەلىسپەدى جانە وعان شاعىمدانۋعا نيەتتى.

Abai.kz