قازاقستان رەسپۋبليكاسى سىرتقى ىستەر مينيسترلىگىنىڭ كونسۋلدىق قىزمەت دەپارتامەنتى ديرەكتورىنىڭ ورىنباسارى عابيدەن تەمىربەكوۆ پەن ۆەتنام سوتسياليستىك رەسپۋبليكاسىنىڭ سىرتقى ىستەر مينيسترلىگى كونسۋلدىق دەپارتامەنتىنىڭ ديرەكتورى ليۋونگ تان كۋانمەن بەينەكونفەرەنتسيا فورماتىندا كەلىسسوزدەر وتكىزدى، دەپ حابارلايدى ءسىم.

تاراپتار كونسۋلدىق سالادا دوستىق قارىم-قاتىناستاردى ودان ءارى نىعايتۋ مۇمكىندىگىن اتاپ، العاشقى ءارى ماڭىزدى قادامداردىڭ ءبىرى رەتىندە ەكى ەلدىڭ جالپىازاماتتىق پاسپورتتاردىڭ يەلەرى ءۇشىن ۆيزالىق رەجيمدى جەڭىلدەتۋ تۋرالى ۇكىمەتارالىق كەلىسىمگە قول قويۋعا ۋاعدالاستى.

ع. تەمىربەكوۆ ۆەتنام تاراپىنا قازاقستان سىرتقى ىستەر مينيسترلىگىنىڭ وڭتۇستىك-شىعىس ازيا وڭىرىمەن ءتۇرلى سالالارداعى بايلانىستاردى ودان ءارى تەرەڭدەتۋ نيەتى تۋرالى ايتتى جانە ۇكىمەتارالىق قۇجاتتارعا قول قويۋ ونىڭ تىكەلەي راستاۋى بولىپ تابىلاتىنىن جەتكىزدى.

ليۋونگ تان كۋان ەكى ەل اراسىنداعى قارىم-قاتىناستا تاڭدالعان باعىتتىڭ ماڭىزدىلىعىنا نازار اۋداردى جانە حالىقارالىق شارتتى تەز ارادا كەلىستىرۋگە بار كۇشىن سالۋعا دايىن ەكەنىن ايتتى.

Abai.kz