ءتىل ساياساتى كوميتەتىنىڭ توراعاسى، عالىم ەربول تىلەشوۆ «ويان» باعدارلاماسىندا لاتىن الىپبيىنە كوشۋ تۋرالى ءسوز قوزعادى.

«قازاق ورىسشا اكتسەنتسىز، تازا سويلەيدى دەپ ايتامىز. بىراق سول ورىسشا اكتسەنتسىز سويلەۋدىڭ قۇنىن ءبىز تولەدىك. قالاي تولەدىك؟ ءبىز ءتىلىمىزدىڭ اۋەزدىلىگىن، بەينەلىلىگىن، قوڭىر ءۇنىن كەمىتىپ الدىق. ورىسشا سويلەۋ كەڭەس زامانى تۇسىندا زور مارتەبە بولدى عوي، ءتىپتى قازىرگى كەي ازاماتتاردىڭ اراسىندا دا بۇل ۇعىم كەزدەسەدى.

ادام 2 ءتىل بىلسە دە، 10 ءتىل بىلسە، نەگىزگى ءتىلى بىرەۋ عانا بولادى. ەكى ءتىلدى بىردەي بىلەدى دەگەنگە مەن كەلىسە المايمىن. ءبىزدىڭ پسيحولوگيامىز، فيزيولوگيامىز ونى كوتەرە المايدى. قازىر بالالارىمىزدىڭ كوبىنەسە ءوز انا تىلىندە سويلەمەۋى – سول ينەرتسيانىڭ، ستەرەوتيپتىڭ جالعاسۋى. ال لاتىن ءالىپبيى وسىنداي نارسەلەرگە سەرپىن بەرۋ كەرەك»، - دەدى ول.

سۇحباتقا سىلتەمە:

Abai.kz