قازاقستاننىڭ 11 ايماعىنان قاڭتار وقيعاسى كەزىندە ۇرلانعان 270-جۋىق قارۋ-جاراق تابىلدى. ۇلتتىق قاۋىپسىزدىك كوميتەتى پوليتسيامەن بىرىگىپ، بيىلعى قاڭتاردان ساۋىرگە دەيىنگى ارالىقتا زاڭسىز اينالىمدا جۇرگەن جانە قاڭتار وقيعاسى كەزىندە ۇرلانعان قارۋ-جاراقتى ىزدەۋمەن اينالىستى.

«ناتيجەسىندە قازاقستاننىڭ 11 وڭىرىنەن 268 بىرلىك قارۋ تاركىلەندى، ونىڭ ىشىندە 38 كالاشنيكوۆ اۆتوماتى، 126 مىلتىق، 104 تاپانشا، 21 گراناتا، 4 جارىلعىش قۇرىلعى، ءتۇرلى كاليبرلى 30 199 وق-ءدارى، بروندى كەۋدەشە، قورعانىش دۋلىعاسى، قول-كىسەندەر، اۆتومات وقجاتارلارى، قالقاندار مەن راديوستانتسيالار تاركىلەندى»، - دەپ حابارلادى ۇقك.

ۇقك مالىمەتتەرى بويىنشا، قارۋ-جاراق پەن وق-دارىلەردىڭ نەگىزگى قويمالارى:  الماتىدا – 4, بايقوڭىردا – 1, قوستانايدا – 1, سەمەيدە – 1, وسكەمەندە – 1, اقتوبەدە – 1, الماتى وبلىسىندا – 3, جامبىل وبلىسىندا – 4, جەتىسۋ وبلىسىندا – 2, پاۆلودار وبلىسىندا – 1, سولتۇستىك قازاقستان وبلىسىندا – 3” انىقتالدى، – دەلىنگەن حابارلامادا.

ۇقك بۇدان بۇرىن الماتى قالاسىندا قارۋ-جاراقتىڭ ءىرى كولەمدە زاڭسىز اينالىمىمەن اينالىساتىن قىلمىستىق توپتىڭ جولىن كەسكەنىن حابارلاعان بولاتىن.

Abai.kz