جاڭاوزەن قالاسىندا ارنايى الگوريتم جۇمىس ىستەيدى، وعان سايكەس جۇمىسسىز تۇرعىندار جالپى كەزەككە سايكەس مۇناي سالاسىنا جۇمىسقا ورنالاسادى.

اشتىق جاريالاعان تۇرعىندار بۇعان دەيىن جالپى كەزەكتى اينالىپ ءوتىپ، مۇناي-گاز سالاسىنا جۇمىسقا ورنالاسۋدى تالاپ ەتكەن بولاتىن.

وعان اكىمدىك وكىلدەرى كەزەكتە تۇرعان باسقا ادامدارعا ادىلەتسىز بولاتىنىن ايتىپ، كەلىسپەيتىندەرىن جەتكىزدى.

قازىرگى ۋاقىتتا جاڭاوزەندە جۇمىسقا ورنالاسۋعا، بىلىكتىلىگىن ارتتىرۋعا مۇمكىندىك بەرەتىن بىرقاتار مۇمكىندىكتەر بار.
ايتا كەتۋ كەرەك، مەملەكەتتىك باعدارلامالار ارقىلى جۇمىسقا ورنالاسقان ازاماتتىڭ مۇناي سالاسىنا جۇمىسقا ورنالاسۋعا تىركەلگەن كەزەكتىلىگى ياعني الگوريتم ساقتالادى. بۇل باسقا جۇمىس ىستەي وتىرىپ، ءسىز مۇناي-گاز سەكتورىندا ءوز كەزەگىڭىزدى كۇتە الاسىز دەگەن ءسوز.

قۇرمەتتى جەرلەستەر، ءبىز ءسىزدىڭ كەزەكسىز، قابىلدانعان الگوريتمنىڭ شارتتارىن ساقتاماي مۇناي-گاز سالاسىنا تىكە كىرگىزۋ جونىندەگى تالابىڭىزدى ورىنداي المايمىز، ويتكەنى بۇل ءوز كەزەگىن كۇتىپ، ءار ءتۇرلى سالادا تىنىش جۇمىس ىستەيتىن قالا تۇرعىندارىنىڭ قۇقىقتارىنا نۇقسان كەلتىرەدى.

ءبىز ءسىزدى اقىلعا شاقىرامىز. ارانداتۋشىلىققا بوي الدىرماڭىز.

جاڭاوزەن قالاسى اكىمدىگىنىڭ ءباسپاسوز قىزمەتى

Abai.kz