شىعىس قازاقستان وبلىسىنداعى التاي قالاسىندا جاز بويى ىستىق سۋ بولمايدى.

التاي اۋدانى اكىمدىگىنىڭ مالىمەتىنە سۇيەنسەك، قالا بويىنشا جىلىتۋ ماۋسىمى 5 مامىر كۇنى اياقتالعان. ەندى جىلۋ جەلىلەرىنە جوندەۋ جۇمىستارىنىڭ جۇرگىزىلۋىنە بايلانىستى جاز بويى تۇرعىندار ىستىق سۋسىز وتىرادى.

«1 ماۋسىمنان باستاپ ۇيلەردە ىستىق سۋ بولمايدى. سول كەزدە قازاندىقتار تولىق وشىرىلەدى. جوسپار بويىنشا ىستىق سۋ ىركۇيەك ايىندا قوسىلادى. وسى ۋاقىت ارالىعىندا قازاندىقتا، جىلۋ جەلىلەرىندە جوسپارلى جوندەۋ-قالپىنا كەلتىرۋ جۇمىستارى جۇرگىزىلەدى»، - دەلىنگەن اقپاراتتا.

ەسكە سالساق، كەشە شىعىس قازاقستان وبلىسى ريددەر قالاسىندا جىلۋ ەلەكتر ورتالىعىنداعى جوندەۋ جۇمىستارىنا بايلانىستى تۇرعىندار جاز بويى ىستىق سۋسىز وتىراتىندىعى حابارلانعان.

Abai.kz