«قويدان قويدىڭ نەسى ارتىق؟!
قول باسىنداي ەتى ارتىق.
ەردەن ەردىڭ نەسى ارتىق؟!
ىستەپ جۇرگەن ءىسى ارتىق» - دەيدى حالىق دانالىعى.
«وتان قورعاۋشىلار كۇنى» قارساڭىندا ەل الدىندا جۇرگەن ازاماتتاردى ءبىر تۇگەندەپ قويدىق. مەيرام قارساڭىندا مەرەيلەرى ءوسسىن دەگەن نيەت قوي. ەردەن ەردىڭ نەسى ارتىق ەكەنىن، ءبىز ەسىمىن اتاعان ازاماتتاردىڭ بويىنداعى جاقسى قاسيەتتەردەن باعامدارسىز...

ەل ماقتانى
ءاسانالى ءاشىموۆ
قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى ءاسانالى اشىموۆپەن قازاق قالاي ماقتانسا دا جاراسادى. 8-مامىردا 76-عا تولاتىن ايگىلى  اكتەر شىعارماشىلىق جولىندا قازاقتىڭ تابيعاتىنا كەلمەيتىن رولدەرگە جولاعان جوق. بۇگىندە جيىن-توي، اۋقىمدى شارالاردا توبە كورسەتىپ، ساليقالى ءسوز ايتىپ، اقساقالدىق دارەجەگە جەتكەنىن اڭعارتىپ ءجۇر.

سوزگە شەشەن
بەكبولات تىلەۋحان

«قويدان قويدىڭ نەسى ارتىق؟!
قول باسىنداي ەتى ارتىق.
ەردەن ەردىڭ نەسى ارتىق؟!
ىستەپ جۇرگەن ءىسى ارتىق» - دەيدى حالىق دانالىعى.
«وتان قورعاۋشىلار كۇنى» قارساڭىندا ەل الدىندا جۇرگەن ازاماتتاردى ءبىر تۇگەندەپ قويدىق. مەيرام قارساڭىندا مەرەيلەرى ءوسسىن دەگەن نيەت قوي. ەردەن ەردىڭ نەسى ارتىق ەكەنىن، ءبىز ەسىمىن اتاعان ازاماتتاردىڭ بويىنداعى جاقسى قاسيەتتەردەن باعامدارسىز...

ەل ماقتانى
ءاسانالى ءاشىموۆ
قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى ءاسانالى اشىموۆپەن قازاق قالاي ماقتانسا دا جاراسادى. 8-مامىردا 76-عا تولاتىن ايگىلى  اكتەر شىعارماشىلىق جولىندا قازاقتىڭ تابيعاتىنا كەلمەيتىن رولدەرگە جولاعان جوق. بۇگىندە جيىن-توي، اۋقىمدى شارالاردا توبە كورسەتىپ، ساليقالى ءسوز ايتىپ، اقساقالدىق دارەجەگە جەتكەنىن اڭعارتىپ ءجۇر.

سوزگە شەشەن
بەكبولات تىلەۋحان
ءسوز سويلەسە ارعى-بەرگى تاريحتى قوپارىپ، ءسوزىن XV-XVIII عاسىرداعى جىراۋلاردىڭ ايتقاندارىمەن تۇزدىقتاپ وتىراتىن، ءسوز اراسىندا XIX عاسىردىڭ II جارتىسىنداعى ابايعا سوقپاي كەتپەيتىن بەكبولات تىلەۋحاندى سوزگە شەشەن دەسەك، ەشكىم تالاسا قويماس. ەكس-دەپۋتات بۇل ونەردى بۇگىندە باسقالارعا ۇيرەتىپ، شەنەۋنىكتەرگە شەشەندىك ونەردەن ءدارىس بەرىپ ءجۇر ەكەن. ەكىنىڭ بىرىنە بەرىلە بەرمەيتىن شەشەندىك ونەردى ۇيرەنۋ قىمبات كورىنەدى. ويتكەنى، بەكبولات تىلەۋحان ءبىر ساياساتكەرگە توي مەن جيىندا، بيىك مىنبەردە سويلەۋ مادەنيەتىن 8500 اقش دوللارىنا ۇيرەتىپتى.

جومارت جۇرەك
يسلامبەك سالجانوۆ
1993 جىلدان بەرى قازاقستان نارىعىندا جۇمىس ىستەپ كەلە جاتقان «التىن قىران» كومپانيالار توبىنىڭ  باسشىسى يسلامبەك سالجانوۆتىڭ ەسىمى ۇزدىك كاسىپكەر، ىسكەر باسشى بولۋدان بۇرىن،  سوڭعى جىلدارى قازاقتىڭ ايتىس ونەرىنە، ادەبيەتى مەن ءتۇرلى مادەني شارالارىنا دەمەۋشىلىك جاساۋمەن تانىلدى دەۋگە بولادى. سالجانوۆتىڭ اسىرەسە جاستارعا دەگەن قامقورلىعى سۇيسىندىرەدى. اقان ساتاەۆتىڭ «جاۋجۇرەك مىڭ بالا» ءفيلمى جارىققا شىققاننان كەيىن فيلمدە وتانشىلدىق رۋحتى شىنايى كورسەتكەنى ءۇشىن اسىلحان تولەپوۆ باستاعان اكتەرلارعا 1 ميلليون تەڭگە سىياقى بەرگەن دە وسى ازامات.

بەكزادا بولمىس
نەسىپبەك ءداۋتايۇلى
جازۋشى نەسىپبەك ءداۋتايۇلى قاشان دا دەگدار قالپىنان تانبايدى. ول كىسىنىڭ شىعارمالارىنىڭ قاي-قايسىسىنان بولسىن قازاقتىڭ تەكتىلىگى ءبىلىنىپ تۇرادى. ءوزى دە ۇلىلىقتان دا ار-نامىستى العا قوياتىن ازامات.

تازالىق
تۇرسىنجان شاپاي
تابيعاتىنان تازالىعىن ساقتاپ قالعان، ادالدىقتى، شىنشىلدىقتى سۇيەتىن ازامات دەگەندە اۋزىمىزعا ويىمىزعا بىردەن تۇرسىنجان شاپاي كەلدى. ەشكىمگە ۇقسامايتىن، ەشكىممەن بولىسپەيتىن كوزقاراسىن «قازاقتىڭ جانى» مەن «ءبىر جۇرەك - شىن جۇرەككە» سىيدىرعان تۇرسىنجان - اتى مەن زاتىنا كىر كەلتىرەتىن سوزگە دە، ىسكە دە بارماعان شىعارماشىلىقتاعى شىن مانىندەگى تازا ادام. 

كەسەك ءبىتىمدى
كامال ورمانتاەۆ
ۇندەمەي ءجۇرىپ، ۇيدەي ءىس بىتىرەتىن، ءوزىن ىسىمەن دالەلدەگەن كەسەك ءبىتىمدى اكادەميكتىڭ ءبىرى - كامال ورمانتاەۆ. بالالار حيرۋرگياسىنىڭ نەگىزىن قالاعان ورمانتاەۆ  بۇگىنگە دەيىن 13000 - نان استام بالاعا وپەراتسيا جاساپ، ولىمنەن اراشالاعان. كامال ورمانتاەۆ جاسى جەتپىس التىعا كەلسە دە، وپەراتسيا زالىندا بالالاردىڭ ءومىرى ءۇشىن ارپالىسىپ جۇرگەن ابزال جان.

تاساداعى تولاعاي
ەلدوس دالاباي
2011 جىلعى قازاق كۇرەسىنەن «قازاقستان بارىسى» ءتۋرنيرىنىڭ كۇمىس جۇلدەگەرى، 2012 جىلعى «قازاقستان بارىسى» بەيبىت ىستىباەۆتى بوز كىلەمگە دايىنداعان باپكەر ەلدوس دالابايدى «تاساداعى تولاعاي» دەۋگە بولادى. جامبىل وبلىسى، تالاس اۋدانى، بولتىرىك اۋلىنان شىققان باكەنە بويلى باپكەردىڭ جەتكەن جەتىستىكتەرى كوپ.  30-ماۋسىمدا وتەتىن «قازاقستان بارىسى» دوداسىنا بەيبىتتى باپتاپ، ءۇش جىلعا دەيىن «قازاقستان بارىسى» اتاعىن ەشكىمگە بەرمەۋگە بەل شەشىپ وتىر.

قىرانداي العىر
شىڭعىس مۇقان
اتىراۋ وبلىسى اكىمىنىڭ ورىنباسارى شىڭعىس مۇقان ەلگەزەك جىگىت. ءوز قاتارىنان العىرلىعىمەن وزعان - ول وتىزعا جەتپەي ءبىراز قىزمەتتە بولىپ، ىسكەرلىگىمەن تانىلدى. كەڭسەدەگى قىزمەتكە قادالىپ قالماي،  شىڭعىس قازاق ادەبيەتىنىڭ ءىنجۋ-مارجانىن ءبىر ارناعا جيىپ، «ادەبي الەم» اتتى پورتال اشىپ، «10 پري¬چين، پوچەمۋ ۆاجنو زنات ي گو¬ۆوريت نا كازاحسكوم يازىكە» دەگەن كىتاپ جازىپ تا ۇلگەرگەن. 

سىرباز ساباز
تاڭات مامىرحان
قازاق  ەستراداسىندا سىرباز مىنەزىن ساقتاعان، ءار جەردە ەلپەكتەي كەتپەيتىن سالماقتى ءانشىنىڭ ءبىرى تاڭات مامىرحان. مىنەزى عانا ەمەس، تاڭاتتىڭ ورىنداۋىنداعى اندەر دە سالماقتى. 
ازىرلەگەن - ق.ماتنيازتەگى