قازاقستانعا كەلەتىندەر كوبەيىپ، ەلدەن جىراققا كوشەتىندەر سانى ازايعانى حابارلاندى. بۇل جايدى ۇلتتىق ستاتيستيكا بيۋروسى مالىمدەدى. 

2023 جىلعى قاڭتار مەن ناۋرىز ارالىعىندا ەلگە كوشىپ كەلگەندەر سانى 7 680 ادام، ەلدەن قيىر قونىپ، شەت جايلاپ كەتكەندەر سانى 2 664 ادام بولدى.

كوشى-قون سالدوسى - 5 016 ادام. 2022 جىلعى ءتيىستى كەزەڭمەن سالىستىرعاندا قازاقستانعا كەلگەندەر سانى 87% وسكەن، ال كەتەتىندەر سانى 49,6% ازايدى.

ەلدىڭ نەگىزگى كوشى-قون الماسۋى تمد مەملەكەتتەرى اراسىندا جۇرگەن. ساندارعا قاراساق، موبيليزاتسيا تۇسىندا كوشى-قون اعىمىنىڭ ارتقانىن كورۋگە بولادى. تمد ەلدەرىنەن كەلگەندەردىڭ ۇلەسى 90%، ال سوندا كەتكەندەردىڭ ۇلەسى – 69,5%.

ەل ىشىندە كوشىپ كەلۋشىلەر سانى 10,9% -عا ءوستى. وڭىرارالىق كوشى-قون بويىنشا ەلىمىزدىڭ 4 وڭىرىندە: الماتى (6 782 ادام), استانا (6 443 ادام), شىمكەنت (241 ادام) قالالارىنداجانە الماتى وبلاسىندا (223 ادام)حالىقتىڭ كوشى-قونىنىڭ وڭ سالدوسى قالىپتاسقانى مالىمدەلدى.

ەلدەن كەتىپ جاتقان قازاقتاردىڭ دا ۇلەسى تومەندەگەنىن بايقاۋعا بولادى. 2023 جىلدىڭ قاڭتار-ناۋرىز ايلارىندا 33,2% قازاق كەلسە، 7,6% قازاق جىراققا كەتكەن.

Abai.kz