جوعارعى سوت ەكس-كانديداتتاردىڭ تالاپ ارىزىن قاراۋدان باس تارتتى. بۇل تۋرالى ازاتتىق سايتىن جازدى.

سايلاۋ ناتيجەسى بۇرمالاندى، ناۋقان ادىلەتسىز ءوتتى دەپ سانايتىن ەكس-كانديداتتار بيىلعى 19 ناۋرىزدا وتكەن داۋىس بەرۋ ناتيجەسىن جوققا شىعارۋدى جانە سايلاۋ كوميسسيالارىنىڭ ءوز شاعىمدارىن قاراستىرماۋ ارەكەتىن زاڭسىز دەپ تانۋدى سۇراعان.

الماتىدا ءباسپاسوز ءماسليحاتىن وتكىزگەن ولار جوعارعى سوتتىڭ تالاپ ارىزداردى قاراۋدان باس تارتۋىنا نەگىز جوق دەپ ەسەپتەيدى.

ادۆوكات بولىپ جۇمىس ىستەيتىن مۇرات ادامنىڭ ايتۋىنشا، جوعارعى سوتقا ەكى تالاپ ارىز بەرىلگەن. ءبىرىنشى تالاپ ارىزعا ءوزى قول قويىپ تاپسىرعان. وندا ورتالىق سايلاۋ كوميسسياسىنىڭ جانە اۋماقتىق سايلاۋ كوميسسياسىنىڭ ءوز شاعىمدارىن قاراستىرماي تاستاعان ارەكەتىن زاڭسىز دەپ تانۋدى سۇراعان. ال ەكىنشى تالاپ ارىزدى سانجار بوقاەۆ قول قويىپ تاپسىرعان. وندا ءماجىلىس سايلاۋىنىڭ ناتيجەسىن زاڭسىز دەپ تانۋ تۋرالى تالاپ قويىلعان.

Abai.kz