الماتىدا نە كوپ، جۇرتتىڭ كوبى بىلە بەرمەيتىن تۇسىنىكسىز كوشە كوپ. قالاداعى كوشەلەردىڭ ۇزىن سانى ءبىر جارىم مىڭنان اسادى. سولاردىڭ مىڭنان استامى ءالى كۇنگە وتكەن ءداۋىردى ەسكە سالىپ تۇرعانداي. بىرەر مىسال.

الماتىدا نە كوپ، جۇرتتىڭ كوبى بىلە بەرمەيتىن تۇسىنىكسىز كوشە كوپ. قالاداعى كوشەلەردىڭ ۇزىن سانى ءبىر جارىم مىڭنان اسادى. سولاردىڭ مىڭنان استامى ءالى كۇنگە وتكەن ءداۋىردى ەسكە سالىپ تۇرعانداي. بىرەر مىسال.

حالقىمىزدىڭ وقىرمانى كوپ سۇيىكتى گازەتتەرىنىڭ ءبىرى «تۇركىستان» حالىقارالىق گازەتىنىڭ بيىلعى 18 ساۋىردەگى كەزەكتى سانىندا جاريالانعان ع.ءتاشىمبايدىڭ «مالايا لەنينا» قانداي كوشە، ال رۋبينشتەين دەگەن كىم؟» دەگەن بايسالدى ماسەلە كوتەرگەن ماقالاسى وسى ويىمىزدى كوپشىلىككە جەتكىزۋگە تۇرتكى بولدى.
كوكتەمنىڭ العاشقى كۇندەرى «تاڭشول­پان» تەلەارناسىن قاراپ وتىرىپ، جۇگىرتپە جولدارىنان كۇتپەگەن جەردەن «الماتىنىڭ ەرماك كوشەسىنە ۋاقىتشا جىلى سۋ جىبەرىلمەيدى» دەگەن قۇلاقتاندىرۋ حابارلاندى. سول كەزدە بويىمىزدى نامىس، كەك، اشۋ، ىزا بيلەدى. نەگە دەسەڭ، ۇلتتىق تاريحىمىزدا ەرماك تيموفەەۆيچ باسكەسەر، جاۋلاپ الۋشى، اق پاتشانىڭ وتارشىلىق ساياساتىن جۇرگىزگەن قانىشەر ەمەس پە ەدى؟ بۇعان دالەل رەتىندە حالقىمىزدىڭ «ساتبەك باتىر» اتتى تاريحي جىرىنان ءبىر عانا مىسال كەلتىرەيىك. جىر مازمۇنىنا قاراعاندا، ەرماك ساتبەك دەگەن ەل باسقارعان مىرزامەن دوس بولعانسىپ، سىي-قۇرمەتىن كورىپ، ول جولاۋشىلاپ كەتكەندە، ونىڭ ءۇي-ءىشىن تۇگەل قىرىپ-جويىپ، جالعىز قىزىنا قيانات جاساعان. قايتىپ ورالعان ساتبەك بولعان جايدى كورگەن كەزدە، ەرماكتىڭ باسىن بالتامەن شاۋىپ الىپ، ءوشىن العان ەكەن دەيدى.
ال قازىرگى زاماندا بولسا، ءوزىمىزدىڭ شىعىس قازاقستان وڭىرىندەگى ورىس مۋزىكالىق ۇجىمدارىنىڭ رەپەرتۋارىندا ەرماك ەسىمى ۇلتتىق باتىر، ەرەكشە تۇلعا، كوسەم، اسكەري قولباسشى رەتىندە ماداقتالىپ، ەسىمىن انگە قوسىپ، كونتسەرتتىك باعدارلامالارىندا ءاردايىم ورىنداپ ءجۇر.
ەلىمىز تاۋەلسىزدىك العالى جيىرما جىلدان استام ۋاقىت وتسە دە، ءبىز ەشكىمگە تاۋەلسىز بولماساق تا، وسىنداي كەلەڭسىز جاعدايلار بەلەڭ الۋدا.
بۇل ءوزىمىزدىڭ قازاقتىڭ نامىسىنا، ونىڭ مەنتاليتەتىنە كىر كەلتىرەتىن ورەسكەل، كوزى اشىق ءار قازاق بالاسىن قاپالاندىراتىن جاعداي.
بارىمىزگە بەلگىلى ­- الماتى ءاردايىم قازاعىمىزدىڭ مادەني جانە عىلىمي ورتالىعى ەكەندىگى، مۇندا ۇلى مۇحتار، قانىش، الكەي، باتىر باۋىرجان جانە ت.ب. كەمەڭگەر اعالارىمىز ءومىر ءسۇرىپ، قازاق رۋحانياتىنا ايانباي ەڭبەك ءسىڭىرىپ، ۇلت مۇددەسىن قورعاعان، رۋحتىق كۇش بەرگەن ەدى عوي؟
جوعارىدا ايتىپ وتكەن جۋرناليست عازيزبەك ءتاشىمباي اعامىز «ءبىزدىڭ قازاق ات قويعىش قوي» دەپ جازىپتى. ءيا، اعانىڭ ويى دۇرىس، وعان مىسال، الماتىنىڭ ناق ورتاسىنداعى مەدەۋ اۋدانىندا چاپلين، ستانيسلاۆسكي، گۋريلەۆ اتىنداعى كوشەلەر بار. ەڭ قىزىعى، ماسقارا بولعاندا سول كوشەلەردىڭ تۇرعىندارى ولاردىڭ كىم ەكەندىگىن دە بىلمەيدى. ال چاپلين بولسا، اعىلشىننىڭ كوميكالىق اكتەرى، ستانيسلاۆسكي بولسا، كەڭەس داۋىرىندەگى بەلگىلى رەجيسسەر، ال گۋريلەۆ، ازداعان ورىس رومانستارىنىڭ اۆتورى. قازاق تاريحىنا مۇلدەم قاتىسى جوق ادامدار. بۇل ءبىر جاعىنان كۇلكى تۋعىزاتىن، ەكىنشى جاعىنان نامىسقا تيەتىن جاعداي.
بۇل كوتەرىلگەن ماسەلەگە الماتى قالاسى اكىمشىلىگى ونوماستيكا ءبولىمىنىڭ قىزمەتكەرلەرى نە ايتار ەكەن؟

س.ءا.كۇزەمباي، قر ەڭبەك سىڭىرگەن قايراتكەر، قر ۇعا كوررەسپوندەنت-مۇشەسى، ونەرتانۋ دوكتورى، پروفەسسور
عىلىم دوكتورلارى (پروفەسسورلار): ن.اقىش، گ.پىراليەۆا، ب.ازىباەۆا، ا.حامراەۆ;
م.و.اۋەزوۆ اتىنداعى ادەبيەت جانە ونەر ينستيتۋتىنىڭ عىلىمي قىزمەتكەرلەرى:
ت.الىبەكوۆ، س.قوراباي، ق.الپىسباەۆا، ا.الىبەكۇلى، ت.اكىم، ك.راحىمجان، س.قوسان، گ.جۇماسەيىتوۆا، گ.مۇساعۇلوۆا، ا.قازتۋعانوۆا، ب.تۇرماعامبەتوۆا، ز.قاسىموۆا، ە.حانكەي - عىلىم كانديداتتارى (دوتسەنتتەر).

"تۇركىستان" گازەتى