جەكسەنبى, 14 شىلدە 2024
1345 2 پىكىر 5 ماۋسىم, 2023 ساعات 14:10

ەو ورتالىق ازياعا سانكتسيا سالا ما؟

ەۋروپا كەڭەسىنىڭ پرەزيدەنتى شارل ميشەل شولپان اتادا وتكەن سامميتتە "ەۋرووداق قازاقستانعا، قىرعىزستانعا جانە وزبەكستانعا سانكتسيا سالۋى مۇمكىن بە؟" دەگەن سۇراققا جاۋاپ بەردى. 

ول ەۋرووداق رەسەيدىڭ سوعىس ماشيناسىن قولداعاندارعا شارا قولدانىپ جاتقانىن، جاڭا سانكتسيالار تالقىلانىپ جاتقانىن اتاپ ءوتتى.

ء"بىز وسىعان دەيىن رەسەيدىڭ سوعىس ماشيناسىن قولداعاندارعا قارسى سانكتسيالار ەنگىزگەنبىز. باس-اياعى سانكتسيالاردىڭ 10 پاكەتىن قابىلدادىق. قازىر سانكتسيالاردىڭ 11 پاكەتىن تالقىلاپ جاتىرمىز. بۇعان رەسەيدىڭ سوعىس ماشيناسىن قولداعاندار تۇرتكى بولدى. ءبىز ەشقانداي ەكستراتەرريتوريالدىق ءپرينتسيپتى قولدانبايمىز", - دەدى ميشەل.

ول ەۋرووداق ارىپتەستەرىن رەسەيگە باتىس سانكتسيالارىنان اينالىپ ءوتىپ، كومەكتەسپەۋگە شاقىرادى، ەكىنشى جاعىنان سانكتسيالارعا بايلانىستى ارىپتەستەرىنىڭ ۇسىنىستارىن قاراۋعا دايىن دەدى.

مامىر ايىندا اقش رەسەيدىڭ 69 كومپانياسىن "قارا تىزىمگە" ەنگىزگەن. بۇدان بولەك ارمەنيانىڭ جانە قىرعىزستاننىڭ كومپانيالارىنا سانكتسيا سالعان.

ناۋرىز ايىندا ەۋرووداقتىڭ سانكتسيالار بويىنشا ارنايى وكىلى دەۆيد و’سالليۆان بىشكەك جانە استاناعا بارىپ، سويلەسۋ جۇرگىزگەن. ول ەۋرووداق پەن ورتالىق ازيا اراسىندا تاۋار ساتۋ 300% وسكەنىن ايتىپ، رەسەيگە سانكتسيالاردى اينالىپ وتۋگە جول بەرمەۋ ماسەلەسىن قويعان.

Abai.kz

2 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1193
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1866
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1912