سىبايلاس جەمقورلىققا قارسى ءىس-قيمىل اگەنتتىگى استانا قالاسىنىڭ اۋدانارالىق تەرگەۋ سوتىمەن تجم ورتكە قارسى قىزمەت كوميتەتىنىڭ توراعاسىنا، شىمكەنت قالاسى مەن جەتىسۋ وبلىسى تجد باستىقتارىنا قاتىستى «كۇزەتپەن ۇستاۋ» تۇرىندەگى بۇلتارتپاۋ شاراسى سانكتسيالانعانىن مالىمدەدى. 

قازىر سوتقا دەيىنگى تەرگەپ-تەكسەرۋ جۇمىستارى جالعاسىپ جاتىر.

«قىلمىستىق-پروتسەستىك كودەكسىنىڭ 201-بابىنا سايكەس وزگە دە اقپارات جاريا ەتۋگە جاتپايدى. كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى»، – دەپ جازىلعان حابارلامادا.

بۇعان دەيىن توتەنشە جاعدايلار مينيسترلىگىنە قاراستى كوميتەت توراعاسى جانە دەپارتامەنت باسشىلارى جەمقورلىق كۇدىگىنە ىلىككەنى حابارلانعان.

Abai.kz