نومينالى 200 تەڭگەلىك بانكنوتتار قابىلدانباي جاتقانى تۋرالى شاعىمدارعا بايلانىستى قازاقستان ۇلتتىق بانكى ولاردىڭ زاڭدى تولەم قۇرالى سانالاتىنىن مالىمدەدى.

«بۇل بانكنوتالار قازاقستان رەسپۋبليكاسىنىڭ بارلىق اۋماعىندا كەز كەلگەن تولەم ءتۇرى بويىنشا قابىلدانۋعا مىندەتتى»، - دەلىنگەن حابارلامادا.

سونداي-اق ۇلتتىق بانك ەسكە سالىپ وتكەندەي، قازاقستان رەسپۋبليكاسىنىڭ اۋماعىندا اينالىمداعى ۇلتتىق ۆاليۋتا بانكنوتالارى مەن مونەتالارىن بەلگىلەنگەن قۇنىنا قاراي قابىلداۋدان باس تارتۋ – «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 206-بابىندا كوزدەلگەن اكىمشىلىك جاۋاپكەرشىلىككە جەتەلەيدى.

«بۇعان قوسا، ۇلتتىق بانك نومينالى 200 تەڭگەلىك جاڭا بانكنوتالاردى اينالىمعا شىعارماعانىن اتاپ وتەمىز. اينالىمداعى 200 تەڭگەلىك بانكوتالار زاڭدى كۇشىن جويعان جوق ءارى تابيعي توزىعى جەتكەندە عانا اينالىمنان شىعارىلىپ، 200 تەڭگەلىك مونەتالارمەن اۋىستىرىلادى. قوسىمشا سۇراقتار تۋىنداسا، 1477 ءنومىرى ارقىلى ۇلتتىق بانكتىڭ بايلانىس ورتالىعىنا حابارلاسۋعا بولادى»، - دەپ ءتۇسىندىردى ۇب.

فوتو: عالامتوردان

Abai.kz