اقتوبە قالاسىندا جاڭادان پايدالانۋعا بەرىلگەن ءۇش قاباتتى ەڭسەلى كەشەن ترانسپورتتىق قىزمەت كورسەتۋ سەرۆيسى بار، سونىمەن بىرگە اكىمشىلىك-سپورتتىق بولىمدەردى قۇرايدى. 

جاڭا كەشەننىڭ ءبىر قىزمەتى — قوستاناي قالاسىنداعى «اگروماشحولدينگ» ماشينا جاساۋ زاۋىتىندا شىققان جەڭىل كولىكتەردى تۇرعىندارعا ساتۋ. سونداي-اق وسى كەشەندە سپورتتىق شارالاردى وتكىزۋگە ءمان بەرىلۋى جاس ۇرپاقتىڭ جان-جاقتى دامىتۋعا جاسالىپ وتىرعان قامقورلىق ىسپەتتى.

اتالعان كەشەندى ەل يگىلىگىنە ۇسىنىپ وتىرعان بەلگىلى كاسىپكەر، «تەنكە كاپيتال KZ» جشس ديرەكتورى سەمباي سالجانوۆ وسى قۇرىلىسقا سالىنعان ينۆەستيتسيا كولەمى 560 ميلليون تەڭگە قۇراعانىن ايتتى. الداعى ۋاقىتتا وسىندا جۇزدەن استام ەڭبەك ەتەتىن بولادى. 

جاڭا كەشەن رەسپۋبليكامىزداعى تانىمال «Allur Auto» ج»نە «Allur Distribution» كومپانيالارىمەن سەرىكتەستىكتە جۇمىس ىستەيتىن بولادى. «Allur Auto» كومپانيالار توبىنىڭ باس ديرەكتورى اندرەي لاۆرەنتەۆ وتكەن جىلدىڭ جەلتوقسان ايىندا عانا قازاقستاننىڭ بيزنەسى مەن ەكونوميكاسىن دامىتۋداعى ەرەكشە ەڭبەگى ءۇشىن «اتامەكەن» وداعى» ۇلتتىق-ەكونوميكالىق پالاتاسىنىڭ مەدالىمەن ماراپاتتالعان بولاتىن. نەگىزىندە بۇل — وتاندىق اۆتوكولىكتەر ءوندىرىسىن ورگە باستىرۋ تۇرعىسىنداعى ەڭبەكتىڭ باعالانۋى بولاتىن. مۇندا SsangYong كورەيلىك ماركىدەگى قولايلى جانە سەنىمدى ءارى ءساندى جەڭىل كولىكتەر جيناقتالادى. باعاسى دا قونىمدى. سونداي-اق زاۋىتتا Chance اۆتوكولىگى دە شىعارىلادى. 

شاراعا قاتىسىپ، ءسوز سويلەگەن «Allur Distribution» كومپانياسىنىڭ باس ديرەكتورى الماس مىڭجاساروۆ اقتوبە قالاسىندا مۇنداي بىرەگەي اۆتوورتالىقتىڭ اشىلىپ وتىرعانىنا قۋانىش ءبىلدىرىپ، الداعى ۋاقىتتا سەنىمدى سەرىكتەستەر رەتىندە قىزمەت ىستەيتىندىكتەرىنە سەنىم ءبىلدىردى. 

جاڭا كەشەننىڭ ءبىرىنشى قاباتىندا ساتىلاتىن اۆتوكولىكتەردىڭ كورمە زالى ورنالاسقان. تۇتىنۋشىلار وسى ارادان وزدەرى قالاعان جەڭىل كولىكتىڭ جاي-جاعدايىن، ارتىقشىلىق-ەرەكشەلىكتەرىن ءوز كوزدەرىمەن كورىپ، بىلىكتى مامانداردىڭ كەڭەستەرىن الا الادى. ءبىر اتاپ وتەتىن جايت، مۇندا العاشقى كەزەڭدە جىلىنا 600 شاماسىندا كولىك ساتۋ جوسپارلانىپ وتىر. 

اۆتوكولىكتەردى جوندەۋگە جانە دياگنوستيكالىق تەكسەرۋگە ارنالعان تەحنيكالىق قىزمەت كورسەتۋ ورتالىعى زاماناۋي جابدىقتارمەن قامتىلعان. سونىمەن بىرگە وسى قاتارداعى اۆتوجۋ تۇراعى بارلىق ەكولوگيالىق جانە تەحنيكالىق ستاندارتتارعا ساي جۇمىس ىستەمەكشى. 

كەشەننىڭ ەكىنشى قاباتىندا نەگىزىنەن اكىمشىلىك بولمەلەرى ورنالاسقان. مۇندا سونىمەن قاتار وفيستەرگە، قىزمەت كورسەتۋگە قاتىستى بولمەلەر ۇسىنىلادى. 

ءۇشىنشى قاباتتا جالپى اۋماعى 1200 شارشى مەتردى قۇرايتىن امبەباپ سپورت زالى ورنالاسقان. بۇل جەردە شاعىن فۋتبولدان، ۆولەيبولدان، باسكەتبولدان، گاندبولدان جانە تەننيستەن جاتتىعۋلار، ءتۇرلى جارىستار وتكىزۋگە مۇمكىندىك بار. زالدا جانكۇيەرلەرگە ارنالعان 150 ورىندىق ورناتىلعان. 

بۇل سپورتتىق زال سوڭعى ۇلگىدەگى قۇرال-جابدىقتارمەن قامتىلعان. مۇندا قاي مەزگىلدە دە قالىپتى اۋا رايى ساقتالادى. ونى اۋا تەمپەراتۋراسىن رەتتەيتىن فانكويلدار جۇزەگە اسىرادى. 

وتىز ادامعا ارنالعان كافەتەري وسىندا قىزمەت ىستەۋشىلەرمەن قاتار، كەلۋشىلەرگە دە ءوزىنىڭ ءدامدى تاعامدارىن ۇسىنادى. 

... سونىمەن، اقتوبەلىكتەر وتاندىق وندىرىستەگى اۆتوكولىكتەردى ەندى الىسقا بارماي-اق تاقىمدارىنا باسا الادى.

Abai.kz