وڭتۇستىك كورەياعا زاڭسىز كىرىپ، اۋەجايدان قاشقان ەكى قازاقستاندىققا سوت ۇكىمى شىقتى. ولار ايىپپۇل تولەپ، ەلگە قايتاتىن بولدى.

بۇل تۋرالى ولاردىڭ ادۆوكاتى مەيىرجان شەكەەۆ حابارلادى.

«بۇل قازاقستاننىڭ حالىقارالىق تاعى ءبىر بەدەلدى جەڭىسى. ەندى كورەياداعى ەكى جىگىت 3 جىلعا تۇرمەگە توعىتتالماي، ايىپپۇل تولەپ، ەلگە قايتاتىن بولدى. ايتار، جازار نارسەلەر وتە كوپ. بىراق ءالى بىتىرەتىن شارۋالار جەتىپ جاتىر. اللا قالاسا اماندىقتا جۇزدەسەيىك»، - دەپ جازدى قورعاۋشى Instagram جەلىسىندە.

ەسكە سالايىق، ناۋرىزدىڭ سوڭىندا ەكى وتانداسىمىز وڭتۇستىك كورەياعا كىرۋگە تىيىم سالىنعانىنا قاراماستان اتالعان ەلگە زاڭسىز اياق باسقانى حابارلانعان.

10 ءساۋىر كۇنى وڭتۇستىك كورەياعا زاڭسىز كىرگەن جەرلەستەرىمىز تەرگەۋ يزولياتورىندا قاماۋدا وتىرعانى بەلگىلى بولدى.

سوتتىڭ العاشقى وتىرىسى مامىر ايىنىڭ ورتاسىنا جوسپارلاندى.

فوتو: اشىق دەرەككوزدەن

Abai.kz