بەيسەنبى, 30 قاراشا 2023
قاينايدى قانىڭ... 1473 9 پىكىر 21 قىركۇيەك, 2023 ساعات 13:20

ريددەردەگى جالعىز قازاق مەكتەبى: «شاڭىراق» قاڭىراپ قالدى

سۋرەت: الەۋمەتتىك جەلىدەن الىندى

شىعىس قازاقستان وبلىسى ريددەر قالاسىنداعى جالعىز قازاق مەكتەبى – «شاڭىراققا» قۇلىپ سالىندى. اتالعان ءبىلىم وشاعىندا ءبىلىم الاتىن وقۋشىلاردىڭ ءبارى ۋاقىتشا باسقا مەكتەپكە اۋىستىرىلدى.

جەرگىلىكتى تۇرعىندار بۇعان دەيىن عيماراتتىڭ شاتىرى كەز كەلگەن ۋاقىتتا قۇلاۋى مۇمكىن ەكەنىن ايتىپ دابىل قاققان. تۇركىستان قالاسىندا وتكەن بيىلعى ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىندە ءسوز سويلەگەن قر ءماجىلىس دەپۋتاتى قازىبەك يسا بۇل تۋرالى: «ريددەردەگى جالپى 16 مەكتەپتىڭ 1-ەۋى عانا قازاقشا، 12-ءسى ورىسشا، 3-ەۋى ارالاس مەكتەپ. قازاق ەلىندە قازاق مەكتەبى 20 جىلدان بەرى جاڭا عيمارات سۇراپ زارلاپ كەلەدى. ريددەردە قازاقشا مەكتەپ جەتىسپەيتىندىكتەن، قازاق بالالارىنا ديسكريميناتسيا جاسالىپ، وقۋعا ەشقانداي جاعداي جاسالماي، زارداپ شەگۋدە»، – دەگەن ەدى.

سونداي-اق، دەپۋتات 2008 جىلى «شاڭىراق» قازاق مەكتەبىن سالۋعا جەر تەلىمىن ءبولۋ تۋرالى قاۋلى شىققاندا مەكتەپتىڭ اپاتتىق مەكتەپ ەكەنى تۋرالى ەكسپەرت ساراپتاماسى دا، تيپتىك ەمەس مەكتەپتە وتىرعانى تۋرالى دا قۇجاتتار بولعانىن، بىراق 2019 جىلى بۇل ساراپتامانى دا باسقا قۇجاتتاردى دا مەكتەپتەگى جينالىستا ريددەر قالاسى ءبىلىم بەرۋ ءبولىمى باسشىسى داۋلەت يلياسوۆ ءوز قولىمەن الىپ كەتىپ، جوق قىلعانىن، سودان كەيىن 2019 جىلى جاڭا قاۋلى شىعارعاندا №6 ىقشاماۋداندا سالىناتىن مەكتەپ قۇجاتى قازاق مەكتەبى ەمەس، ارالاس مەكتەپ بولىپ بۇرمالانىپ كەتكەنىن ايتقان.

شقو ءبىلىم باسقارماسىنىڭ باسشىسى ينەسسا چەرنىشەۆا بولسا: «بىزدە مەكتەپتىڭ اپاتتى جاعدايدا ەمەستىگىن راستايتىن ساراپشى قورىتىندىسى بار»، – دەيدى. الايدا، ونىڭ سوزىنشە، ىرگەتاس پەن جىلۋ جۇيەسىنە قاتىستى عيماراتقا تولىق جوندەۋ جۇمىستارى قاجەت ەكەن. بالالاردى باسقا مەكتەپكە اۋىستىرۋدىڭ بار سەبەبى سول-مىس.

چەرنىشەۆانىڭ سوزىنە سەنسەك، «شاڭىراقتىڭ» وقۋشىلارى «جايلى مەكتەپ» باعدارلاماسى بويىنشا جاڭادان مەكتەپ سالىنعانشا №11 مەكتەپتە ءبىلىمىن جالعاستىرادى. جوسپار بويىنشا، ول 2024 جىلى قولدانىسقا بەرىلۋى كەرەك. دەگەنمەن پايدالانۋعا بەرۋ مەرزىمى سوزىلۋى دا مۇمكىن.

ريددەردەگى 550-دەي قازاق بالاسى وقيتىن جالعىز قازاق مەكتەبى وتكەن عاسىردىڭ باسىندا، 1936 جىلى جانە 1952 جىلى سالىنعان.

قازىر قالادا 60 مىڭعا جۋىق ادام تۇرادى. حالىقتىڭ 80 پايىزى – ورىس ۇلتىنىڭ وكىلدەرى. سول سەبەپتى، حالىقارالىق «قازاق ءتىلى» قوعامىنىڭ حاتشىسى قۇرالاي سالدىقوۆانىڭ ايتۋىنشا، ريددەردىڭ قازاقتارى وزدەرىن دياسپورا سانايدى.

Abai.kz

9 پىكىر

ۇزدىك ماتەريالدار

اباي مۇراسى

اباي ىلىمىندەگى دەموكراتيا نەگىزدەرى

دوسىم وماروۆ 996
عيبىرات

تارازدىڭ قۇرمەتتى ازاماتى

نۇرلان مالىكۇلى 1358
جازىلعان جايدىڭ جالعاسى...

كوڭىلبايدىڭ «Amanat-ى» اق ەكەن...

اۋىت مۇقيبەك 2256