رەسەي جانار-جاعارماي ەكسپورتىنا شەكتەۋ قويدى
رەسەي ۇكىمەتى بەنزين مەن ديزەل وتىنىن ەكسپورتتاۋعا ۋاقىتشا شەكتەۋ ەنگىزدى.
«وسى قاۋلى كۇشىنە ەنگەن كۇننەن باستاپ بەنزين جانە ديزەل وتىنىن (ونىڭ ىشىندە بيرجا ارقىلى ساتىپ الىنعان) اكەتۋگە ۋاقىتشا تىيىم سالىنسىن. قاۋلىنىڭ 1-ءشى تارماعىندا كورسەتىلگەن، ياعني ەۋرازيالىق ەكونوميكالىق وداققا مۇشە-مەملەكەتتەردىڭ ۇكىمەتارالىق كەلىسىمىنە ساي، بۇل قاۋلىمەن ءتيىستى تىيىم سالىنبايدى»، - دەلىنگەن رف پرەمەر-ءمينيسترى ميحايل ميشۋستين قول قويعان قاۋلىدا.
قۇجاتتا ناقتىلانعانداي، بۇل شەكتەۋلەر ەاەو-عا مۇشە ەلدەرگە قاتىستى قولدانىلمايدى. وداق قۇرامىندا قازاقستان، قىرعىزستان، ارمەنيا، بەلارۋس جانە رەسەي بار.
فوتو: عالامتوردان
Abai.kz
