ەلباسى ءسوزى بولمايدى: ۆەدومستۆولىق ناگرادالار اتاۋى وزگەردى
مادەنيەت مينيسترلىگى بىرقاتار ۆەدومستۆولىق ناگرادالارعا وزگەرىستەر ەنگىزەتىن پرەزيدەنت جارلىعىنىڭ جوباسىن جاريالادى، دەپ حابارلايدى Ulysmedia.kz.
"ەلباسىنىڭ قاۋىپسىزدىگىن ەرلىكپەن قامتاماسىز ەتكەنى ءۇشىن" مەدالى "لايىقتى قىزمەتى ءۇشىن" مەدالى بولىپ وزگەرتىلەدى;
"ەلباسىنىڭ قورعانى" توسبەلگىسى بۇدان بىلاي "قر مەملەكەتتىك كۇزەت قىزمەتىنىڭ قۇرمەتتى قىزمەتكەرى" دەپ اتالادى.
بۇدان باسقا، وسك-نىڭ "سايلاۋ ورگاندارى جۇيەسىنىڭ دامۋىنا قوسقان ۇلەسى ءۇشىن" دەپ اتالاتىن ءوز مەدالى پايدا بولادى.
ايتا كەتەيىك، جۋىردا قاسىم-جومارت توقاەۆ نۇرسۇلتان نازارباەۆتى ءوز اتىمەن اتالاتىن مەكتەپتەر، جوو جانە قوردىڭ جوعارعى كەڭەسى باسشىسى مارتەبەسىنەن ايىراتىن زاڭعا قول قويدى.
ال بىرەر كۇن بۇرىن نازارباەۆ سوڭعى مەملەكەتتىك لاۋازىمىنان ايىرىلدى.
فوتو: اشىق دەرەككوزدەن
Abai.kz
