استانا استانا بولعالى مۇنداعى تىرشىلىك جاندانا ءتۇستى. قالا كوشەلەرىندەگى قۇمىرسقانىڭ يلەۋىندەي قىبىرلاعان تىنىمسىز قوزعالىستى بايقاماۋ مۇمكىن ەمەس. ءبىرى جۇمىسىنا، ءبىرى ۇيىنە، ەندى ءبىرى وزگە شارۋامەن اسىعا قوزعالىپ جاتقان ادامدار.

قالالى جەردىڭ قىم-قۋىت تىرلىگىنە ۇيرەنىپ العان مەن دە  ادەتتەگىدەي ەرتەڭگىسىن جۇمىس ورنىما اسىعىپ №3 باعىتتاعى رەسپۋبليكا داڭعىلىن بويلاي جۇرەتىن  اۆتوبۋسقا ءمىندىم. جولاي ايالدامالاردا مەن مىنگەن كولىكتەن ءمىنىپ-ءتۇسىپ جاتقان كىسى سانىندا ەسەپ جوق.  الدەن ۋاقىتتا قارسى الدىمداعى بوس ورىندىققا بەت-اۋزىن ورامالمەن تۇمشالاعان، جەر سۇيگىزە كەڭ ەتەك كويلەك كيگەن ءبىر كەلىنشەك كەلىپ جايعاستى. بۇگىنگى قوعامىمىزعا ءسىڭىسىپ العان بۇل كيىم كيۋ ءۇردىسى مەنى اسا تاڭ قالدىرعان جوق-تىن. ايتسە دە، وزىمىزدەي قىز-كەلىنشەكتەردىڭ ايداي اجارىن تۇمشالاپ، بولمىستارىن بارىنشا جاسىراتىنىن ىشتەي قابىلدامايتىنمىن. سويتە تۇرا، بەس ۋاقىت ناماز وقىپ،  قۇدايعا قۇلشىلىق جاساعان  زامانداستارىما  قىزىعا قارايتىنىم تاعى بار. ولار جايىندا كىم نە دەپ جاتسا دا تازالىق پەن ادەپتىلىكتىڭ ءبىر ءىزى دەپ ويلايمىن. 

استانا استانا بولعالى مۇنداعى تىرشىلىك جاندانا ءتۇستى. قالا كوشەلەرىندەگى قۇمىرسقانىڭ يلەۋىندەي قىبىرلاعان تىنىمسىز قوزعالىستى بايقاماۋ مۇمكىن ەمەس. ءبىرى جۇمىسىنا، ءبىرى ۇيىنە، ەندى ءبىرى وزگە شارۋامەن اسىعا قوزعالىپ جاتقان ادامدار.

قالالى جەردىڭ قىم-قۋىت تىرلىگىنە ۇيرەنىپ العان مەن دە  ادەتتەگىدەي ەرتەڭگىسىن جۇمىس ورنىما اسىعىپ №3 باعىتتاعى رەسپۋبليكا داڭعىلىن بويلاي جۇرەتىن  اۆتوبۋسقا ءمىندىم. جولاي ايالدامالاردا مەن مىنگەن كولىكتەن ءمىنىپ-ءتۇسىپ جاتقان كىسى سانىندا ەسەپ جوق.  الدەن ۋاقىتتا قارسى الدىمداعى بوس ورىندىققا بەت-اۋزىن ورامالمەن تۇمشالاعان، جەر سۇيگىزە كەڭ ەتەك كويلەك كيگەن ءبىر كەلىنشەك كەلىپ جايعاستى. بۇگىنگى قوعامىمىزعا ءسىڭىسىپ العان بۇل كيىم كيۋ ءۇردىسى مەنى اسا تاڭ قالدىرعان جوق-تىن. ايتسە دە، وزىمىزدەي قىز-كەلىنشەكتەردىڭ ايداي اجارىن تۇمشالاپ، بولمىستارىن بارىنشا جاسىراتىنىن ىشتەي قابىلدامايتىنمىن. سويتە تۇرا، بەس ۋاقىت ناماز وقىپ،  قۇدايعا قۇلشىلىق جاساعان  زامانداستارىما  قىزىعا قارايتىنىم تاعى بار. ولار جايىندا كىم نە دەپ جاتسا دا تازالىق پەن ادەپتىلىكتىڭ ءبىر ءىزى دەپ ويلايمىن. 

ءبىر ايالدامالىق ۋاقىت وتكەندە الگى كەلىنشەك قارسى الدىندا وتىرعان  مەنىڭ ءۇستىمدى كوز قيىعىمەن ءبىر شالىپ اپ، قارا سومكەسىنەن قالتا تەلەفونىن شىعاردى. قولىنا العانى سول ەدى الگى تەلەفون شىرىلداي جونەلدى. سول سول-اق ەكەن كولىك ءىشى بوقاۋىز، بىلاپىت سوزگە وراندى. ىڭعايسىز سيتۋاتسياعا كۋا بولعان جولاۋشىلاردىڭ ءبىرى جاعاسىن ۇستاسا، ءبىرى ۇندەمەگەن كۇيى كەلىنشەكتەن كوز ايىرا الماي وتىر.  گ ەسىمدى ايەل زاتىمەن سۇقباتتاسىپ وتىرعان كەيىپكەرىمىزدىڭ اۋزىنان اق يت كىرىپ، كوك يت شىقتى، «گ. ساعان تۇسىنبەيمىن ول الباستى قاتىننىڭ ك...ن ايىرمايسىڭ با، نەگە جۋاستىق تانىتاسىڭ، مەن ەكى-ءۇش كۇندە بارامىن، شاشىن جۇلىپ، جانىن شىعارام ونىڭ. ءوزىن پ.....ن دەپ ءجۇر مە ول»، دەپ قوعامدىق كولىكتە وتىرعانىن ۇمىتقان، بىرەر مينۋت بۇرىن يماندىلىقتىڭ ايناسىنداي كورىنگەن كەلىنشەكتىڭ بۇل قىلىعىنان شوشىنعانىمدى جاسىرا الماعان مەن: «كەشىرىڭىز، بىراق ءسىز قوعامدىق كولىكتە ءجۇرىپ كەلەسىز، مۇندا بالا-شاعا بار دەگەندەي» - دەگەنىم سول ەدى، - «سەنىڭ شارۋاڭ بولماسىن، مەن نە ۇستىڭە ءمىنىپ كەلەمىن بە، ۇناماسا تاكسيمەن بار نە قۇلاعىڭدى جاۋىپ ال» - دەپ ارى قاراي بوقتاي جونەلمەسى بار ما. العان جاۋابىما ابدىراعان مەن جۇمعان اۋزىمدى اشپادىم. ايتسە دە كوكەيىمنەن كەتپەي قالعان الگى كەلىنشەكتىڭ قىلىعى جايىندا كوپ ويلاندىم. يسلام – كىسىنى  سابىرلىق پەن ىنساپقا، يماندىلىق پەن تازا نيەتتىلىككە شاقىراتىن ءدىن ەمەس پە؟ اۋىزدان شىققان التى اۋىز ءسوزى حارام بولسا، باسىنداعى تۇمشالاعان ورامالى نە ءۇشىن كەرەك؟ بالكىم بىلاپىتتىعىن بەكىتەتىن بەتپەردە رەتىندە پايدالاناتىن شىعار. جۇمىسىما تاياپ، كولىكتەن ءتۇسىپ كەتە باردىم. بىراق، بۇگىنگى كوڭىل-كۇيىم كۇندەگىدەي بولمادى. كوكەيدە تىزبەكتەلگەن سۇراق، كوكىرەكتە ءزىل قالدى.

Abai.kz