توقاەۆ بەردىمۇحامەدوۆكە قۇتتىقتاۋ جەدەلحاتىن جولدادى
مەملەكەت باسشىسى قاسىم-جومارت توقاەۆ پرەزيدەنت سەردار بەردىمۇحامەدوۆتى جانە تۇرىكمەنستان حالقىن تاۋەلسىزدىك كۇنىمەن قۇتتىقتادى. بۇل تۋرالى اقوردا حابارلادى.
«قازاقستاندىقتار تۇرىكمەنستاننىڭ زور جەتىستىكتەرىنە شىن نيەتپەن تىلەۋلەس جانە ەكى ەل اراسىنداعى عاسىرلار بويى جالعاسىپ كەلە جاتقان دوستىق، تاتۋ كورشىلىك قاتىناستار مەن جان-جاقتى ىنتىماقتاستىقتى نىعايتۋعا ەرەكشە ءمان بەرەدى»، – دەپ جازىلعان جەدەلحاتتا.
مەملەكەت باسشىسى ءوزارا بىرلەسكەن كۇش-جىگەردىڭ ناتيجەسىندە قازاق-تۇرىكمەن ستراتەگيالىق سەرىكتەستىگىنىڭ كوكجيەگى كەڭەيىپ، كوپجاقتى قارىم-قاتىناستىڭ دامۋ قارقىنى ارتا تۇسەتىنىنە سەنىم ءبىلدىردى.
قاسىم-جومارت توقاەۆ سەردار بەردىمۇحامەدوۆتىڭ جاۋاپتى مەملەكەتتىك قىزمەتىنە تابىس، ال باۋىرلاس تۇرىكمەنستان حالقىنا باق-بەرەكە تىلەدى.
Abai.kz
