اباي وبلىسى كوشى-قون قىزمەتى باسقارماسىنىڭ باسشىسى ۇستالدى
اباي وبلىسىنىڭ سىبايلاس جەمقورلىققا قارسى قىزمەتى كوشى-قون قىزمەتى باسقارماسىنىڭ باسشىسى مەن اباي وبلىسى پوليتسيا دەپارتامەنتىنىڭ قىزمەتكەرلەرىن پارامەن اشكەرەلەدى، دەپ حابارلايدى Ulysmedia.kz.
انتيكور مالىمەتىنشە، لاۋازىمدى تۇلعا ءوزىنىڭ قىزمەتكەرى ارقىلى اۋداندىق پوليتسيا بولىمشەسىنىڭ قىزمەتكەرىن قالالىق كوشى قون قىزمەتى بولىمىنە اۋىستىرۋعا جاردەمدەسكەنى ءۇشىن 1000 اقش دوللارى كولەمىندە پارا العان.
“كۇدىكتىلەر ۇستالىپ، ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ جالعاسۋدا. قىلمىستىق-پروتسەستىك كودەكسىنىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى”، – دەلىنگەن حابارلامادا.
اباي وبلىسىنىڭ كوشى-قون قىزمەتىن گۇلۆيرا دونەنباەۆا باسقارادى. بۇدان بۇرىن 5 جىل بويى استانا قالاسى ءىىب كوشى-قون پوليتسياسى باسقارماسىنىڭ باستىعى قىزمەتىن اتقارعان.
فوتو: اشىق دەرەككوزدەن
Abai.kz
