قازىرگى ۋاقىتتا قازاقستاندا قىزىلشانى جۇقتىرۋدىڭ 17 مىڭنان استام جاعدايى تىركەلگەن، دەپ حابارلايدى Ulysmedia.kz.

دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتىنىڭ باسشىسى نۇرقان سادۋاقاسوۆ بالالارعا ەكپە جاساۋعا بايلانىستى سۇراققا جاۋاپ بەردى.

– بۇگىندە بىزدە 17 مىڭنان استام ادام اۋىرىپ قالدى. ولاردىڭ 82 پايىزى بالالارعا تيەسىلى، كوپشىلىگى ەگىلمەگەن. ءبىز قاداعالايمىز. اۋىرعانداردىڭ  60%-ى ءوز سەنىمىنە بايلانىستى ەكپە جاساتپاعاندار، 22-ءسى ۆاكتسيناتسيا جاسىنا جەتپەگەن. ءبىز ينفەكتسياعا بەيىم بالالاردىڭ كونتينگەنتىن انىقتادىق، –  دەدى ول

سادۋاقاسوۆتان انتيۆاكسەرلەردىڭ پوزيتسياسى قانداي ەكەنىن ناقتىلاۋ سۇرالعان.

– بىزدە ۆاكتسيناتسيا ەرىكتى. ماجبۇرلەي المايمىز. بۇگىنگى كۇنى قاتاڭ شارالار جوق،  –  دەپ قىسقاشا جاۋاپ بەردى ول.

دەنساۋلىق ساقتاۋ ءمينيسترى اجار عينياتتىڭ ايتۋىنشا، ەلىمىزدە قىزىلشانىڭ 17 مىڭنان استام جاعدايى تىركەلگەن. ولاردىڭ 82%-دان استامى بالالارعا تيەسىلى، ونىڭ كوپشىلىگى ۆاكتسينا الماعان بالالار. قىزىلشا اۋرۋلارى بارلىق وڭىردە تىركەلگەن. جوعارى دەڭگەي شىمكەنت پەن الماتى قالالارىندا، جامبىل، الماتى، ماڭعىستاۋ، اقتوبە، قىزىلوردا جانە اتىراۋ وبلىستارىندا بايقالادى.

بۇگىنگى تاڭدا ەلىمىزدە قىزىلشامەن اۋىرعان ناۋقاستارعا ارنالعان 3,5 مىڭنان استام توسەك-ورىن ورنالاستىرىلعان، ستاتسيونارلىق ەمدەۋدە 2375 بالا بار. توسەك ورىن قامتۋ جۇكتەمەسى – 59,5%-دى قۇرايدى، 1 مىڭنان استام ورىن رەزەرۆتە تۇر. ەمدەۋگە جاتقىزىلعانداردىڭ ىشىندە 30 بالا رەانيماتسيا بولىمشەلەرىندە اۋىر جاعدايدا جاتىر، 1 جاسقا دەيىن – 15 بالا بار.

فوتو: اشىق دەرەككوزدەن

Abai.kz