ەنەرگەتيكا مينيسترلىگىنىڭ حابارلاۋىنشا، وسى قىسقارتۋدىڭ سالدارىنان قازاقستان وندىرەتىن مۇناي كولەمى تاۋلىگىنە 1468 مىڭ باررەلگە دەيىن ازايادى.

مينيسترلىكتىڭ حابارلاۋىنشا، قازاقستان بيىل ساۋىردە دە مۇناي ءوندىرۋدى 2024 جىلدىڭ جەلتوقسانىنا دەيىن تاۋلىگىنە 78 مىڭ باررەلگە ازايتۋعا كەلىسكەن.

Bloomberg-ءتىڭ جازۋىنشا، وپەك+ پەن وپەك-كە مەشە ەمەس بىرقاتار ەلدەر مۇناي ءوندىرۋدى تاۋلىگىنە ميلليون باررەلگە قىسقارتۋ تۋرالى الدىن الا كەلىسىمگە كەلگەن.

بۇعان قوسا، ساۋد ارابياسى دا 2024 جىلدىڭ العاشقى توقسانىنىڭ سوڭىنا دەيىن تاۋلىگىنە مۇناي ءوندىرۋدى ميلليون باررەلگە دەيىن ەرىكتى تۇردە ازايتۋ مەرزىمىن سوزعان.

باتىس ەلدەرى بىلتىر رەسەي مۇنايىن تاسىمالداۋعا شەكتەۋ قويعان. وسىدان كەيىن رەسەي وندىرىلگەن شيكىزاتتى تولىق ساتا الماعاندىقتان مۇناي ءوندىرۋدى قىسقارتۋعا كىرىسكەن. رەسەي ۆيتسە-پرەمەرى الەكساندر نوۆاك وسىعان دەيىن رەسەي "مۇناي ءوندىرۋدى ءوز ەركىمەن قىسقارتۋ دەڭگەيىن ساقتايدى" دەپ مالىمدەگەن.

Abai.kz