...«قولىما ەرىكسىز قالام العىزدى ...» -  دەپ باستالاتىن اڭگىمەلەر بار ەدى عوي بۇرىندا.  ال قازىر پەرنەتاقتانى پىتىرلاتىپ وتىرىپ جازامىز  جازعىمىز كەلسە.  قوعام دامىدى، زامان وزدى.  قويشى ايتەۋىر، ەلدىڭ ءبارى شۋلاپ جاتىر، پىكىر ايتىپ.  ءبارى پىكىرشىل. پىكىرسىزىن كورمەيسىڭ. بىزدە «ءوز قۇقىعىمىزدى» پايدالانا وتىرىپ ءوز پىكىرىمىزدى ورتاعا سالعىمىز كەلدى.

... مەنى تولعاندىراتىن  ماسەلەلەر اۋقىمى  مەن ماڭىزدىلىعى جونىنەن ءوز جاسىم مەن باسىما سايكەس كەلمەي مە، الدە، شەكتەن شىققان بوتەن ويلى بەزبۇيرەك بىرەۋمىن بە، بىلمەيمىن، مەن ءوز قاتارلاستارىممەن تۇسىنىسە الماي-اق قويدىم. جاسى ءوزىم قاتارلى جىگىتتەر مەن قىزداردىڭ «96 %-ى» مەملەكەتتىك ىستەرمەن، قازاق قوعامىندا بولىپ جاتقان جاعدايمەن، الەمدىك اۋرانىڭ احۋالىمەن تۇك قىزىقپايتىندىعىن تۇسىنۋگە مەنىڭ اقىلىم جەتپەي ءجۇر...

...«قولىما ەرىكسىز قالام العىزدى ...» -  دەپ باستالاتىن اڭگىمەلەر بار ەدى عوي بۇرىندا.  ال قازىر پەرنەتاقتانى پىتىرلاتىپ وتىرىپ جازامىز  جازعىمىز كەلسە.  قوعام دامىدى، زامان وزدى.  قويشى ايتەۋىر، ەلدىڭ ءبارى شۋلاپ جاتىر، پىكىر ايتىپ.  ءبارى پىكىرشىل. پىكىرسىزىن كورمەيسىڭ. بىزدە «ءوز قۇقىعىمىزدى» پايدالانا وتىرىپ ءوز پىكىرىمىزدى ورتاعا سالعىمىز كەلدى.

... مەنى تولعاندىراتىن  ماسەلەلەر اۋقىمى  مەن ماڭىزدىلىعى جونىنەن ءوز جاسىم مەن باسىما سايكەس كەلمەي مە، الدە، شەكتەن شىققان بوتەن ويلى بەزبۇيرەك بىرەۋمىن بە، بىلمەيمىن، مەن ءوز قاتارلاستارىممەن تۇسىنىسە الماي-اق قويدىم. جاسى ءوزىم قاتارلى جىگىتتەر مەن قىزداردىڭ «96 %-ى» مەملەكەتتىك ىستەرمەن، قازاق قوعامىندا بولىپ جاتقان جاعدايمەن، الەمدىك اۋرانىڭ احۋالىمەن تۇك قىزىقپايتىندىعىن تۇسىنۋگە مەنىڭ اقىلىم جەتپەي ءجۇر...

...  انەۋبىركۇنى بارلىق جۋرناليستەر مەن بلوگەرلەردى، قوعامدىق پىكىر ايتاتىن ساياساتكەرلەردى (جانە ساياساتكەرسىماقتاردى), قىسقاسى، ۆيرتۋالدى الەمدەگى  پىكىر مەن كوزقاراس يەلەرىن مەنىڭ اۋىلىما 1 ايعا اپارىپ، ينتەرنەتكە قوسىلاتىن قۇرىلعىلارى مەن تەلەفوندارىن الىپ قويۋ كەرەك دەگەن باسىما ءبىر سۇمدىق وي كەلدى. سوندا ولار استانا مەن الماتىعا ورالىپ قايتا جازا باستاعان كەزدەرىندە «وريگينالنىي» دۇنيەلەر جازا  باستايتىن سەكىلدى. بۇل ويدى كوكتەن العام جوق. يسلام تاريحىنا قاراساق، ساحابالاردىڭ: «سوعىس مايدانىندا جۇرگەنىمىزدە نيەت تۇزەپ الۋ ءۇشىن ارنايى ۋاقىت تاباتىن ەدىك» - دەگەن سىڭايداعى اڭگىمەسى بار. ءدال سونداي ەتىپ بىزدىكىلەردى «نيەت تۇزەۋ ساپارىنا» اتتاندىرۋ كەرەك سياقتى. ايتپەسە... كوپتەگەن سالماقسىز يدەيالارى مەن كوزقاراستارىنىڭ ەندىگىسى  «يىستەنىپ» بارادى. سوسىن، ايتقاندارى شىن ومىردەگى ىستەرمەن قابىسپاي قاپ جاتىر...

... قازاقتى قۇرتسا «دەدى» مەن «دەپتى» قۇرتادى.  «پالەنشەنىڭ تۇگەنشەسى «ءبۇي دەدى». ال،  ءدىن ىسىندە ءفۋلان يبن ءفۋلان «سۇيدەيدى» - لەر تۇبىمىزگە جەتپەسە ەكەن.  كوپ قازاققا ءبىلىم مەن اقپارات كەرەك بولماي ءجۇر قازىر (سەبەبى،  ەل ءىشىن توعىشارلىق جايلاپ بارادى). قاجەت قىلعاندارىنىڭ ءوزى كوپە-كورنەۋ «اناۋ ايتتى»-نىڭ اينالاسىنان اسپايدى. اقپارات پەن ءبىلىمدى، تۇپتەپ كەلگەندە، تۇپنۇسقادان الۋدى ادەتكە اينالدىرۋى قاجەت. قىسقاسى،

«نەگە ءىلىم، بىلىمگە تالپىنبايدى؟ / ءبارىن ءبىلىپ تۋعانداي ىشتەن پەندە» - دەپ، زامان زارىن ايتقان مۇحامەدجان اعام تازابەكوۆتىڭ ويى مەنى دە كوپ تولعاندىرىپ ءجۇر...

ەندى نەگىزگى ايتپاعىما كوشەيىن.

وسى كۇنى جاستارعا ۇلگى بولار تۇلعالاردى تەك  ەسترادا «جۇلدىزدارىنىڭ» ىشىنەن ىزدەۋ ادەتكە اينالىپ بارادى. كەلىسەمىن، ونەر، تۇپتەپ كەلگەندە ساياساتتىڭ ۇلكەن ءبىر سالاسى. بىراق ءانشى، ءارتىستى شەكتەن تىس ناسيحاتتاۋ –  ەلدىڭ ەرتەڭىنە بالتا شابۋ دەگەن ءسوز (مەن بۇل ارادا ءسوزىنىڭ ءدام-تۇزى جوقتاردى ايتىپ وتىرمىن). تەك تانىمالدىلىعى ءۇشىن عانا ولاردىڭ پىكىرىن ەلگە جەتكىزە بەرۋ دەگەن وتانعا جاسالعان وپاسىزدىققا تەڭ.  سەبەبى، سول ناسيحاتتى تىڭداپ وسكەن ۇرپاق جاڭاعى ارتىستەر سەكىلدى «شوۋلىق» ومىرگە قۇمارتىپ، ومىرگە شىنايى كوزقاراسپەن قاراۋ قاسيەتىنەن اجىرايدى.

وسى ورايدا، نەگە مەمارنالارداعى باعدارلامالاردا  ءبىلىم مەن عىلىم جولىنداعى جاستار كوپتەپ ءسوز المايدى؟ نەگە  قوعامدى زەرتتەپ، زەردەلەپ جۇرگەن ازاماتتار وي ايتپايدى؟ نەگە حالىقارالىق ءبىلىم سايىستارىندا جۇلدەمەن كەلىپ جاتقان جىگىتتەر مەن قىزدار سويلەمەيدى؟ – دەپ دال بولاسىڭ. بۇل دەگەنىڭ ونىڭ ءوزىن ەمەس، ىستەپ جاتقان ءىسىن ناسيحاتتاۋ دەگەن ءسوز. ياعني، يدەيانى ناسيحاتتاۋ

جوق الدە، «تانىمالدىڭ ءبارى اقىلدى» - دەگەن قاعيدا قالىپتاسقان با ءبىزدىڭ ەلدە؟ مەن سونى تۇسىنە الماي ءجۇرمىن.

Abai.kz