اقش ۋكرايناعا 175 ملن دوللاردىڭ جاڭا اسكەري كومەگىن جىبەرەدى. بۇل تۋرالى مەملەكەتتىك دەپارتامەنت حابارلادى.

اقپاراتقا قاراعاندا، جاڭا پاكەتتىڭ قۇرامىندا اۋەدەن قورعانۋ جانە HIMARS راكەتالىق سيستەمالارى ءۇشىن وق-دارىلەر، 155 جانە 105 ميلليمەترلىك ارتەللەريالىق سناريادتار، تانككە قارسى Javelin جانە AT-4 كەشەندەرى ءۇشىن راكەتالار، جۇك تاسۋشى كولىكتەر، راديولوكاتسياعا قارسى HARM راكەتالارى جانە 4 ملن استام وق، مينالار بولادى.

اقش مەملەكەتتىك حاتشىسى ەنتوني بلينكەننىڭ ايتۋىنشا، ەگەر كونگرەسس ۋكرايناعا قوسىمشا كومەك بەرۋ جونىندەگى دجو بايدەننىڭ ۇسىنىسىن قابىلداماسا، بۇل ۆاشينگتوننىڭ كيەۆكە بەرەتىن جاردەمىنىڭ سوڭعى پاكەتى بولادى.

ءبىر كۇن بۇرىن بايدەن اقش-تىڭ ۋكرايناعا جاردەم بەرۋدەن باس تارتۋ مۇمكىندىگىن "ابسوليۋتتىك قاتە" دەپ اتاعان. ول مۇنداي قادام ۆاشينگتوننىڭ مۇددەلەرىنە قارسى كەلەتىنىن ايتىپ، ونىڭ اكىمشىلىگى كيەۆكە قاراجات بولدىرۋگە ۋادە ەتكەن.

قاراشا ايىنىڭ ورتاسىندا دجو بايدەن ۇكىمەتتى ۋاقىتشا قارجىلاندىرۋ تۋرالى كونگرەسس ماقۇلداعان زاڭعا قول قويعان. وعان اق ءۇي يزرايل مەن ۋكرايناعا كومەك كورسەتۋ ءۇشىن سۇراعان قارجى كىرگەن ەمەس.

وسىعان دەيىن اقش بيلىگى ۋكرايناعا كومەك رەتىندە بولىنگەن قارجىنىڭ 97% ورىندالعانىن مالىمدەگەن.

جالپى ۋكراينادا سوعىس باستالعاننان بەرى ۆاشينگتون كيەۆكە 44,2 ميلليارد دوللارعا قارۋ-جاراق جانە تەحنيكالىق قۇرال بەردى.

دەرەككوز: centralasian.org

Abai.kz