جۇما, 12 شىلدە 2024
بيلىك 2152 12 پىكىر 20 جەلتوقسان, 2023 ساعات 11:54

ەلباسيزم اكۋلالارىمەن كۇرەس: ساتىبالدى قايتارعان سوما

سۋرەت الەۋمەتتىك جەلىدەن الىندى

ANTIKOR ەلباسيزم اكۋلالارىمەن ناعىز كۇرەستى قىزۋ باستاپ كەتتى. وسىعان دەيىن Abai.kz اقپاراتتىق پورتىندا قايرات ساتىبالدىعا جانە باسقا دا ادامدارعا قاتىستى جۇرگىزىلىپ جاتقان تەرگەپ-تەكسەرۋ شەڭبەرىندە, ەلدەن زاڭسىز شىعارىلعان اكتيۆتەردى، ونىڭ ىشىندە قىلمىستىق جولمەن الىنعان اقشا قاراجاتىن جانە وزگە دە مۇلىكتى قايتارۋ جونىندە شارالاردىڭ قالاي جۇزەگە اسىپ جاتقانىن جازعان بولاتىبىز.

سونىمەن قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى بيىلعى جىلدىڭ جەلتوقسان ايىندا قايرات ساتىبالدىنىڭ جالپى سوماسى 120 ملن اقش دوللارىن، ياعني 55,4 ملرد تەڭگەدەن اساتىن اقشالاي قاراجاتىن قايتارۋدى قامتاماسىز ەتكەن.

ق. ساتىبالدىدان قايتارىلعان 120 ملن اقش دوللارى ونىڭ مەملەكەتكە كەلتىرىلگەن زالالىن وتەۋ ءۇشىن رەسپۋبليكالىق بيۋدجەتكە جىبەرىلگەنى رەسمي تۇردە ايتىلدى.

ءبىر سوزبەن ايتقاندا سىبايلاس جەمقورلىققا قارسى قىزمەت سوڭعى 2 جىلدا بيۋدجەتكە جانە كۆازيمەملەكەتتىك سەكتور سۋبەكتىلەرىنە 912 ملرد تەڭگەدەن استام سوماعا مۇلىكتىك اكتيۆتەر مەن اقشالاي قاراجاتتى قايتارۋدى قامتاماسىز ەتكەن.

ەلباسيزم سەركەلەرىنەن قايتىرلىعان مۇكامالدارعا اكىمشىلىك عيماراتتار، ەكسكليۋزيۆتى زەرگەرلىك بۇيىمدار، ءساندى ۇيلەر، پاتەرلەر مەن اۆتوموبيلدەر، اكتسيالار مەن كومپانيالارداعى ۇلەستەر، تەمىرجول جولدارى مەن اقشا قاراجاتتارى، سونىڭ ىشىندە شەتەلدەن الىنعان قاراجاتتار كىرەتىندىگىن وقىرماندارىمىزدىڭ ەسىنە سالعىمىز كەلەدى.

وسىلايشا زور قارقىنمەن زاڭسىز شىعارىلعان اكتيۆتەردى قايتارۋ بويىنشا تىندىرىمدى جۇمىس جالعاسۋدا.

ەستەرىڭىزگە سالا كەتەيىك، كۇنى كەشە عانا شىعىس قازاقستان وبلىسىنىڭ سوتى قايرات ساتىبالدىنىڭ مەرزىمىنەن بۇرىن بوستاندىققا شىعۋعا بەرگەن ءوتىنىشىن قاناعاتتاندىرمادى.

سوتتىڭ مالىمەتىنشە، ساتىبالدى ەرەجەلەردى بۇزىپ، تۇراقسىز مىنەز-قۇلقىمەن كوزگە تۇسكەن. سوت سول سەبەپتى ونى ەرتە بوساتۋدىڭ رەتى جوق دەپ شەشكەن.

ەستەرىڭىزگە سالا كەتەيىك، ەكس-پرەزيدەنتتىڭ ءىنىسى قايرات ساتىبالدى بىلتىر سوت ۇكىمىمەن 6 جىلعا باس بوستاندىعىنان ايىرىلعان ەدى.

ءسوز سوڭىندا ايتپاعىمىز: ەگەر ءسىز جەمقورلىق فاكتىلەرىنە تاپ بولساڭىز، @antikorkz_bot Telegram-بوتى نەمەسە 1424 ءنومىرى ارقىلى شۇعىل حابارلاڭىز.

Abai.kz

12 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1156
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1787
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1856