وسكەمەن قالاسىنىڭ اكىمدىگى وبلىس ورتالىعىنىڭ 293-ءشى تۋعان كۇن مەرەكەسىن اتاپ ءوتۋ بارىسىندا وسىعان دەيىن سىرى اشىلماي كەلگەن ءبىراز جاڭا مۇسىندەردىڭ قۇپياسىن جۇرتقا جاريا ەتپەك.

ولاردىڭ ءبىرى - كومەندانتكا وزەنىندەگى كوپىردىڭ جانىنان ورىن تەپكەن، ايەلدەر قاۋىمىنا جاقسى تانىس كادىمگى جۋىلعان كىردى جەل ۇشىرىپ كەتپەس ءۇشىن جىپكە قىسىپ قوياتىن قىسقىشتىڭ، سونداي-اق، كىرشىكسىز ماحابباتتىڭ سيمۆولىنداي بولىپ قۇشاقتارىن ايقاستىرىپ تۇرعان قازاقتىڭ قىز بەن جىگىتىنىڭ مۇسىندەرى. ايتا كەتەيىك، گرانيتتەن سوعىلعان بۇل عاشىقتاردىڭ ورنىندا بۇرىن جاسىل ءتۇستى باقا تۇرعان.

سونىمەن قاتار، ۇلكەن ساقينا مەن بىلەزىكتىڭ اسەم مۇسىندەرى قالانىڭ ءار كوشەسىنەن جارقىراپ كوز تارتادى.
حاس شەبەرلەردىڭ قولىنان شىققان تىڭ تۋىندىلاردىڭ تاعى ءبىر پاراسى تاۋەلسىزدىك داڭعىلى مەن موستوۆوي كوشەسىنىڭ تۇيىسكەن تۇسىنا ورنىعىپتى. مۇندا التىن ءتۇسى كۇنگە شاعىلىسقان التايدىڭ ايگىلى بال اراسىنىڭ جۇبى مەن ودان ارىرەكتە بۇرالا بيلەگەن ەر ادامنىڭ ءمۇسىنى قويىلعان-دى. ساۋلەتشىلەردىڭ ويىنشا، ءبيدىڭ قيمىلىن كەلتىرىپ تۇرعان ەر ادام ۇلتتىق قۇندىلىقتارىمىزدىڭ ءبىرى - قارا جورعانى ورىنداۋشى بولسا كەرەك.

وسكەمەن قالاسىنىڭ اكىمدىگى وبلىس ورتالىعىنىڭ 293-ءشى تۋعان كۇن مەرەكەسىن اتاپ ءوتۋ بارىسىندا وسىعان دەيىن سىرى اشىلماي كەلگەن ءبىراز جاڭا مۇسىندەردىڭ قۇپياسىن جۇرتقا جاريا ەتپەك.

ولاردىڭ ءبىرى - كومەندانتكا وزەنىندەگى كوپىردىڭ جانىنان ورىن تەپكەن، ايەلدەر قاۋىمىنا جاقسى تانىس كادىمگى جۋىلعان كىردى جەل ۇشىرىپ كەتپەس ءۇشىن جىپكە قىسىپ قوياتىن قىسقىشتىڭ، سونداي-اق، كىرشىكسىز ماحابباتتىڭ سيمۆولىنداي بولىپ قۇشاقتارىن ايقاستىرىپ تۇرعان قازاقتىڭ قىز بەن جىگىتىنىڭ مۇسىندەرى. ايتا كەتەيىك، گرانيتتەن سوعىلعان بۇل عاشىقتاردىڭ ورنىندا بۇرىن جاسىل ءتۇستى باقا تۇرعان.

سونىمەن قاتار، ۇلكەن ساقينا مەن بىلەزىكتىڭ اسەم مۇسىندەرى قالانىڭ ءار كوشەسىنەن جارقىراپ كوز تارتادى.
حاس شەبەرلەردىڭ قولىنان شىققان تىڭ تۋىندىلاردىڭ تاعى ءبىر پاراسى تاۋەلسىزدىك داڭعىلى مەن موستوۆوي كوشەسىنىڭ تۇيىسكەن تۇسىنا ورنىعىپتى. مۇندا التىن ءتۇسى كۇنگە شاعىلىسقان التايدىڭ ايگىلى بال اراسىنىڭ جۇبى مەن ودان ارىرەكتە بۇرالا بيلەگەن ەر ادامنىڭ ءمۇسىنى قويىلعان-دى. ساۋلەتشىلەردىڭ ويىنشا، ءبيدىڭ قيمىلىن كەلتىرىپ تۇرعان ەر ادام ۇلتتىق قۇندىلىقتارىمىزدىڭ ءبىرى - قارا جورعانى ورىنداۋشى بولسا كەرەك.

وسكەمەننىڭ سانىنە ءسان قوسىپ، تۇرلەندىرە تۇسكەن جاڭاشا مۇسىندەردىڭ ءمان-جايىن ءتۇسىنىپ، مازمۇنىن بىلمەك نيەتپەن قالالىق اكىمدىككە حابارلاسقانىمىزدا، ونداعى ماماندار تۇرعىندار ءۇشىن جاسالىپ جاتقان توسىنسىيلاردىڭ مۇنىمەن شەكتەلمەيتىنىن، قالا كۇنىندە باسقا جاڭالىقتار دا بولاتىنىن ايتىپ قىزىقتىردى. ولاردىڭ سوزىنە سەنسەك، بۇل ساۋلەت تۋىندىلارىنىڭ كەيبىرى شاحەريزادا حانشايىمى تۋرالى شىعىس ەرتەگىسىنىڭ جەلىسى بويىنشا سالىنىپتى.

«ازىرشە ولاردىڭ سىرىن جاريالاماي ساقتاي تۇرالىق. قىركۇيەكتىڭ 14-ىندە تويلاناتىن قالا كۇنى مەرەكەسىندە بارلىعى بەلگىلى بولادى»، - دەپ ءتۇسىندىردى قالا اكىمىنىڭ ءباسپاسوز قىزمەتى.

ءبىر قۋانىشتىسى، كوپشىلىكتىڭ كوزايىمىنا اينالا باستاعان شەدەۆرلەر اتىمتاي ازاماتتاردىڭ دەمەۋشىلىك قارجىسىنىڭ ارقاسىندا دۇنيەگە كەلىپ وتىر.

شىعىس-اقپارات