توقاەۆتىڭ سوزىنشە، بۇل باعىت ءۇندى مۇحيتىنىڭ جاعاسىنان وتەتىن قازىرگى حالىقارالىق جەلىگە قوسىلۋ ءۇشىن كەرەك.

"بۇل - ەۋرازيا كەڭىستىگىندە ترانزيت ترافيگىنىڭ بالاما جولى عانا ەمەس، سونىمەن بىرگە ەۋرازيا ەكونوميكا وداعىنىڭ جاھاندىق دەڭگەيدەگى لوگيستيكاسىن كۇشەيتە تۇسەدى", — دەدى توقاەۆ.

وسى ايدىڭ باسىندا رەسەي بيلىگى "ەۋروپا رەسەي وپەراتورلارىن ترافيك ايىرباس نۇكتەلەرىنەن تولىق اجىراتقان جاعدايدا ينتەرنەت-ترافيكتى وزگە ەلدەر ارقىلى باعىتتاۋعا دايىن ەكەنىن" مالىمدەگەن.

ەۋرازيا ەكونوميكا وداعىنا قازاقستان، ارمەنيا، بەلارۋس، قىرعىزستان جانە رەسەي مۇشە بولىپ وتىر.

سانكت-پەتەربۋرگتەگى كەزدەسۋگە قاتىسۋشىلار بىرقاتار قۇجاتتارعا قول قويعان. ونىڭ ىشىندە ەۋرازيا ەكونوميكا وداعىنداعى ەكونوميكالىق پروتسەستەردى 2030 جىلدان 2045 جىلعا دەيىنگى ارالىقتا دامىتۋ تۋرالى دەكلاراتسيا دا بار. كەزدەسۋ كەزىندە ەۋرازيا ەكونوميكا وداعى مەن يران اراسىنداعى ەركىن ساۋدا تۋرالى كەلىسىمگە دە قول قويىلعان.

فوتو: اشىق دەرەككوزدەن

Abai.kz