تۇركيا شۆەتسيانىڭ ناتو-عا قوسىلۋىن تاعى ءبىر مارتە قولدادى
تۇركيا پارلامەنتىنىڭ سىرتقى ىستەر كوميسسياسى شۆەتسيانىڭ ناتو-عا مۇشە بولۋ ءوتىنىشىن ماقۇلدادى. ەندى تۇركيا پارلامەنتىنىڭ باس اسسامبلەياسى سكانديناۆيا مەملەكەتىنىڭ سولتۇستىك اليانسقا قابىلدانۋى ءۇشىن تاعى دا داۋىس بەرۋ كەرەك. قازىر وسى ماسەلەگە بايلانىستى زاڭ جوباسى انادولى ەلىنىڭ زاڭ شىعارۋ ورگانىنا جىبەرىلدى، دەپ حابارلادى HalyqUni.
Reuters اگەنتتىگىنىڭ حابارلاۋىنشا، تۇركيا پارلامەنتى سىرتقى ىستەر كوميتەتىنىڭ باسشىسى فۋات وكتاي شۆەتسيانىڭ ناتو-عا مۇشە بولۋ ءوتىنىشى بويىنشا جىلدام داۋىس بەرۋدى كۇتپەۋ كەرەكتىگىن ەسكەرتتى. ول داۋىس بەرۋ كۇنىن پارلامەنت باس اسسامبلەياسىنىڭ توراعاسى انىقتايتىننى ايتتى.
بۇعان دەيىن حابارلانعانداي، تۇركيا پارلامەنتىنىڭ دەپۋتاتى دەۆلەت باحچەلي ءوز ەلىنىڭ شۆەتسيا مەن فينلياندياعا قويعان تالاپتارىن ورىنداماسا، سولتۇستىك اليانستان شىعۋى مۇمكىن ەكەنىن ەسكەرتكەن بولاتىن. ول تۇركيانىڭ سكانديناۆيا ەلدەرىنە ناتو-عا قوسىلۋ ءۇشىن بىرقاتار تالاپ قويعانىن اتاپ ءوتتى.
ساياساتكەر سولتۇستىك اليانستى تۇركياعا قۇرمەتسىزدىك كورسەتتى دەپ ايىپتاپ، تۇركى جانە يسلام ەلدەرىنە ناتو-دان بولەك قاۋىپسىزدىڭ ۇيىمىن قۇرۋدى ۇسىندى. بىراق ونىڭ ۇسىنىسى ءسوز جۇزىندە عانا قالدى.
Abai.kz
