دەنساۋلىق ساقتاۋ ۆيتسە-ءمينيسترى، مەملەكەتتىك باس سانيتار دارىگەر ايجان ەسماعامبەتوۆا ەلىمىزدە قىزىلشانىڭ تارالۋى قاشان باسەڭدەۋى مۇمكىن ەكەنىن ايتتى.

«بۇل جاعداي بارىمىزگە قاتىستى، ويتكەنى ىندەتتى توقتاتۋدىڭ جالعىز جولى - ۆاكتسيناتسيا. ەندى ءبارى نەگىزگى ساناتتى، ياعني قىزىلشاعا ءجيى شالدىعاتىن 5 جاسقا دەيىنگى بالالاردى قانشالىقتى تەز جانە ۇيىمداسقان تۇردە قامتۋىمىزعا بايلانىستى بولادى. جاعدايدى تۇراقتاندىرۋدا وسى ءىس-قيمىلدارعا نازار اۋدارىپ وتىرمىز»، - دەدى ا. ەسماعامبەتوۆا.

ايتا كەتەيىك، ەلىمىزدە قىزىلشا ينفەكتسياسىنىڭ تارالۋىنا قارسى جاپپاي يممۋنداۋ ءجۇرىپ جاتىر. بۇگىندە قوسىمشا ۆاكتسينالاۋعا جاتاتىن 1,5 ملن ادامنىڭ 608 مىڭنان استامى ەگىلدى، قامتۋ 40,5% قۇرادى.

ماسەلەن، جىل سايىن 1 جانە 6 جاستاعى 700 مىڭعا جۋىق بالا ەگىلەدى.

بۇدان بۇرىن حابارلانعانداي، قازاقستاندا قىزىلشادان ەكى بالا كوز جۇمدى.

فوتو: اشىق دەرەككوزدەن

Abai.kz