شىمكەنت قالاسىندا ءبىر كوشە بويىنداعى 4 دۇكەن ورتەندى
شىمكەنت قالاسىنىڭ ءال-فارابي اۋدانىنا قاراستى ايتەكە بي كوشەسىنىڭ بويىندا ورنالاسقان «ەۆروليۋكس»، «گارمونيا»، «مارموريت»، «مەدينا» دۇكەندەرى وتقا وراندى.
ءورت سالدارىنان قۇرىلىس ماتەريالدارىن ساتاتىن دۇكەندەردەردىڭ ساتۋ ورىندارى مەن قويمالارىنداعى زاتتار تۇگەلگە جۋىق جانىپ كەتكەن.
ءورتتى ءسوندىرۋ جۇمىستارىنا شىمكەنت قالاسى توتەنشە جاعدايلار دەپارتامەنتىنىڭ 200-گە جۋىق جەكە قۇرام قىزمەتكەرى مەن 38 تەحنيكاسى جۇمىلدىرىلدى.
ءورت تۇنگى ساعات 03:07 مينۋتتا وقشاۋلانىپ، ساعات 04:51 مينۋتتا تولىعىمەن ءسوندىرىلدى. جالپى كولەمى 2 500 شارشى مەتردى قامتيتىن عيماراتتىڭ 1 300 شارشى مەترى ورتەندى. قايتىس بولعاندار مەن زارداپ شەككەندەر جوق، - دەلىنگەن شىمكەنت قالاسى تجد قوعاممەن بايلانىس توبى تاراتقان اقپاراتتا.
Abai.kz
