ەۋروپا ينۆەستيتسيالىق بانكى قازاقستان، قىرعىزستان جانە وزبەكستان ۇكىمەتتەرىمەن، سونىمەن بىرگە قازاقستان دامۋ بانكىمەن 1,47 ملرد ەۋرو تۇراتىن مەموراندۋمعا قول قويدى.

قارجىلاي كومەك بولۋگە ەۋروپالىق كوميسسيا كەپىلدىك بەرگەن. بۇل تۋرالى «نەمىس تولقىنى» ەۋروكوميسسياعا سۇيەنە وتىرىپ حابارلادى.

ەۋروپا دامۋ جانە قايتا قۇرۋ بانكى قازاقستانمەن 1,5 ملرد دوللاردىڭ ينۆەستيتسيالىق مەموراندۋمىنا وتىرعان. قاراجات ورتالىق ازيا ايماعىندا كولىك قاتىناسىن دامىتۋدى كوزدەيتىن جوبالاردى جۇزەگە اسىرۋعا جۇمسالادى.

ەۋرووداق ەۋروپا مەن ورتالىق ازيانى بايلانىستىراتىن ترانسكاسكي كولىك دالىزىنە 10 ملرد ەۋرو ينۆەستيتسيا قۇياتىنىن 29 قاڭتاردا ەۋروكوميسسيا توراعاسىنىڭ ورىنباسارى ۆالديس دومبروۆسكيس حابارلاعان.

بريۋسسەلدەگى فورۋمعا ەۋروپا، ورتالىق ازيا، كاۆكاز جانە تۇركيا ۇكىمەتتەرىنىڭ، ىسكەر توپتاردىڭ، قارجى ينستيتۋتتارىنىڭ وكىلدەرى قاتىسىپ جاتىر. مۇندا ترانسكاسپي كولىك دالىزىنە ينۆەستيتسيا قۇيۋ ماسەلەسى ءسوز بولدى.

جولاۋشىلار مەن جۇكتەر بۇل باعىتتى 15 كۇندە ءجۇرىپ وتەدى. كولىك ءدالىزى ەۋروپا، ازەربايجان، گرۋزيا، تۇركيا، كاسپي تەڭىزى اكۆاتورياسى، قازاقستان جانە قىتايدى قامتيدى.

ەۋرووداق 2027 جىلعا قاراي ورتالىق ازيا كولىك جۇيەسىن قۇرۋعا 300 ميلليارد ەۋرو قارجى جيناۋدى كوزدەپ وتىر.

رەسەي ۋكرايناعا باسىپ كىرگەن سوڭ كوپتەگەن ەلدەر ەۋروپا مەن ازيا اراسىندا رەسەيدى اينالىپ وتەتىن ساۋدا جولدارىن ىزدەستىرىپ جاتىر.

فوتو: eureporter

Abai.kz