اقتوبە. 11 قىركۇيەك. قازتاگ- اقتوبەدە مەملەكەت باسشىسىنىڭ قاتىسۋىمەن قالانىڭ قۇرىلعانىنا 140 جىل تولۋىنا ارنالعان سالتاناتتى ءىس-شارالار ءوتتى، دەپ حابارلايدى پرەزيدەنتتىڭ ءباسپاسوز قىزمەتى. 

مەملەكەت باسشىسى تۇستەن كەيىن وبلىستاعى دوستىق ۇيىمەن تانىستى. مۇندا كونتسەرت جانە سالتانات زالدارى، حورەوگرافيا، دايىندىق بولمەلەرى، كونفەرەنتسيا زالى، مۇراجاي، كومپيۋتەرلىك سىنىپ، دىبىس جازۋ ستۋدياسى، ەتنومادەني بىرلەستىكتەر جەتەكشىلەرىنىڭ جۇمىس بولمەلەرى بار.

ۇلتتىق-مادەني ورتالىقتاردىڭ جەتەكشىلەرىمەن جۇزدەسۋ بارىسىندا نۇرسۇلتان نازارباەۆ دوستىق ۇيىنە شاعىن اۆتوبۋستى سىيعا تارتتى.
ودان كەيىن مەملەكەت باسشىسى قوبىلاندى باتىر اتىنداعى ورتالىق ستاديونعا كەلدى. مۇندا اقتوبەنىڭ 140 جىلدىق مەرەيتويىنا ارنالعان مەرەكەلىك ءىس-شارالار باستالدى. بۇگىندە بۇل - قازاقستاننىڭ ءىرى ونەركاسىپ جانە مادەني ورتالىعى، كولىك ينفراقۇرىلىمى، زاماناۋي اۋەجايى دامىعان قالا. 140 جىل ىشىندە اقتوبە تۇرعىندارىندا ەرەكشە قالالىق مادەنيەت پەن وزىندىك ءداستۇر قالىپتاستى. اقتوبە كوپ ۇلتتى، كوپ ءدىندى اسەم قالاعا اينالعان، دەپ ايتىلعان حاباردا.

اقتوبە. 11 قىركۇيەك. قازتاگ- اقتوبەدە مەملەكەت باسشىسىنىڭ قاتىسۋىمەن قالانىڭ قۇرىلعانىنا 140 جىل تولۋىنا ارنالعان سالتاناتتى ءىس-شارالار ءوتتى، دەپ حابارلايدى پرەزيدەنتتىڭ ءباسپاسوز قىزمەتى. 

مەملەكەت باسشىسى تۇستەن كەيىن وبلىستاعى دوستىق ۇيىمەن تانىستى. مۇندا كونتسەرت جانە سالتانات زالدارى، حورەوگرافيا، دايىندىق بولمەلەرى، كونفەرەنتسيا زالى، مۇراجاي، كومپيۋتەرلىك سىنىپ، دىبىس جازۋ ستۋدياسى، ەتنومادەني بىرلەستىكتەر جەتەكشىلەرىنىڭ جۇمىس بولمەلەرى بار.

ۇلتتىق-مادەني ورتالىقتاردىڭ جەتەكشىلەرىمەن جۇزدەسۋ بارىسىندا نۇرسۇلتان نازارباەۆ دوستىق ۇيىنە شاعىن اۆتوبۋستى سىيعا تارتتى.
ودان كەيىن مەملەكەت باسشىسى قوبىلاندى باتىر اتىنداعى ورتالىق ستاديونعا كەلدى. مۇندا اقتوبەنىڭ 140 جىلدىق مەرەيتويىنا ارنالعان مەرەكەلىك ءىس-شارالار باستالدى. بۇگىندە بۇل - قازاقستاننىڭ ءىرى ونەركاسىپ جانە مادەني ورتالىعى، كولىك ينفراقۇرىلىمى، زاماناۋي اۋەجايى دامىعان قالا. 140 جىل ىشىندە اقتوبە تۇرعىندارىندا ەرەكشە قالالىق مادەنيەت پەن وزىندىك ءداستۇر قالىپتاستى. اقتوبە كوپ ۇلتتى، كوپ ءدىندى اسەم قالاعا اينالعان، دەپ ايتىلعان حاباردا.

پرەزيدەنت قازاقستاندىقتاردىڭ بىرلىگى مەن دوستىعى ەڭ باتىل ماقساتتاردى قويىپ جانە ونى شەشۋگە مۇمكىندىك بەرەتىنىن اتاپ ءوتتى. مەملەكەت باسشىسى جۇرتشىلىقپەن كەزدەسۋ كەزىندە ولاردىڭ ەلىمىزدى ودان ءارى دامىتۋ، قازاقستاننىڭ جاڭا يندۋستريالاندىرۋ جوسپارى، ەلىمىزدىڭ بارلىق ازاماتتارىنىڭ ءومىرىن جاقسارتۋ جونىندەگى پرەزيدەنتتىك باستامالاردى قىزۋ قولدايتىنىن سەزىندى.

قازاقستاننىڭ دامۋىنا اقتوبەلىكتەر دە ايتارلىقتاي ۇلەس قوسۋدا.
مەملەكەت باسشىسى اقتوبەلىكتەردى  مەرەكەمەن قۇتتىقتاپ، بارلىق قالالىقتار مەن وبلىس تۇرعىندارىنا اماندىق، دەنساۋلىق جانە باقىت تىلەدى، دەپ حابارلايدى ءباسپاسوز قىزمەتى.

پرەزيدەنتتىڭ اقتوبە وبلىسىنا جاساعان جۇمىس ساپارى «وليمپيسكي» سپورت كەشىنىنىڭ ءبىر بولىگى بولىپ تابىلاتىن اقتوبەدەگى جاڭا تەننيس ورتالىعىمەن تانىسۋىمەن اياقتالدى. ورتالىقتىڭ قۇرامىنا 4 جابىق، 6 اشىق كورت، 2 جاتتىعۋ زالى، وقۋ-ادىستەمەلىك سىنىبى كىرەدى.

پرەزيدەنت سوڭعى جىلدارى قازاقستاندىقتاردىڭ اراسىندا تەننيسپەن اۋەستەنۋشىلەردىڭ قاتارى ارتىپ وتىرعانىن اتاپ ءوتتى. اسىرەسە، سپورتتىڭ بۇل تۇرىمەن جاستاردىڭ كوپ اينالىسۋىنىڭ ماڭىزى زور. سوندىقتان بۇگىندە قازاقستاننىڭ ءاربىر ءىرى قالاسىندا جاڭا تەننيس كورتتارى بار. وتكەن جىلى استانادا زاماناۋي حالىقارالىق تەننيس ورتالىعى اشىلدى.

مەملەكەت باسشىسى قازاقستاندىقتاردىڭ تاياۋ كەلەشەكتە حالىقارالىق تەننيس ويىندارىندا وزدەرىن ايرىقشا كورسەتەتىنىنە سەنىمدى ەكەنىن جەتكىزدى. ول سالاۋاتتى ءومىر سالتىن دارىپتەۋ ءۇشىن سپورتتى دامىتۋ قاجەتتىگىن ەرەكشە اتاپ ءوتتى. 

پرەزيدەنت سپورتشىلارعا جاڭا رەكورتتار مەن جوعارى كورسەتكىشتەر تىلەدى.

جۇمىس ساپارىن قورىتىندىلاي كەلە پرەزيدەنت اقتوبە وبلىسىنىڭ دامۋ قارقىنىنا قاناعاتتانۋشىلىق ءبىلدىردى جانە وبلىس باسشىلىعىنا وڭ باعا بەردى. مۇندا 54 يندۋستريالدىق-يننوۆاتسيالىق جوبا جۇزەگە اسىرىلۋدا، 33 مىڭ جاڭا جۇمىس ورنى، سونىڭ ىشىندە جول كارتاسى اياسىندا 24 مىڭنان استام جۇمىس ورنى اشىلدى، دەپ حابارلايدى ءباسپاسوز قىزمەتى.

جالپى، قازاقستان بويىنشا جاعىمدى وزگەرىستەر ورىن الۋدا. بارلىق وبلىستاردا وڭىرلىك جول كارتاسىن ىسكە اسىرۋ جۇمىستارى جۇرگىزىلىپ جاتىر.

« ءبىزدىڭ بىرلىگىمىز، بولاشاققا دەگەن ۇمتىلىسىمىز، بارلىق قازاقستاندىقتاردىڭ جۇمىسقا قابىلەتتىگى – تابىسىمىزدىڭ كەپىلى»، - دەپ ايتقان ن. نازارباەۆتىڭ ءسوزىن ءباسپاسوز قىزمەتى كەلتىرىپ وتىر.

11-شى قىركۇيەك كۇنى تاڭەرتەڭ مەملەكەت باسشىسى اقتوبەدەن  ورىنبوردا وتەتىن قازاقستان مەن رەسەيدىڭ ايماقتىق ءوزارا قارىم-قاتىناس VI فورۋمىنا قاتىسۋ ءۇشىن ۇشىپ شىعادى. فورۋمعا ن. نازارباەۆ رەسەيلىك ارىپتەسى دميتري مەدۆەدەۆپەن بىرگە قاتىسادى.