قۋاندىقوۆ باحىتجان ءجۇرسىنۇلى 1974 جىلى 9 اقپاندا الماتى قالاسىندا دۇنيەگە كەلگەن. جامبىل وبلىسى، شۋ اۋدانى، بەلباسار اۋىلىندا، ش. ءۋاليحانوۆ اتىنداعى ورتا مەكتەپتى 1991 جىلى بىتىرگەن.  1992 جىلى ءال-فارابي اتىنداعى قازمۇۋ-دىڭ زاڭ فاكۋلتەتىنە ءتۇسىپ، 1996 جىلى اتالعان ۋنيۆەرسيتەتتىڭ «قۇقىقتانۋ» ماماندىعىن ءبىتىردى.  1996 جىلى ءال-فارابي اتىنداعى قازۇۋ-دىڭ زاڭ فاكۋلتەتىنىڭ «مەملەكەتتىك قۇقىق جانە باسقارۋ» مامانداعى بويىنشا ماگيستراتۋراعا ءتۇسىپ، 1998 جىلى ءبىتىرىپ، قۇقىق ماگيسترى اتاعىنا يە بولدى.

1998 جىلى قازاقستان رەسپۋبليكاسىنىڭ عىلىم مينيسترلىگىنىڭ – ۇلتتىق عىلىم اكادەمياسىنىڭ مەملەكت جانە قۇقىق ينستيتۋتىنا كۇندىزگى وقۋ بولىمىنە اسپيرانتۋراعا ءتۇستى. اتالعان اسپيرانتۋرانى 2001 جىلى ءبىتىرىپ، «ايتەكە بايبەكۇلىنىڭ بي رەتىندەگى قىزمەتى» اتتى تاقىرىپتا كانديداتتىق ديسسەرتاتسياسىن ءساتتى قورعاپ شىقتى.

1999 جىلدىڭ قىركۇيەگىنەن باستاپ 2011 جىلعا دەيىن ءال-فارابي اتىنداعى قازۇۋ-دىڭ زاڭ فاكۋلتەتىنىڭ، مەملەكەت جانە قۇقىق تەورياسى مەن تاريحى كافەدراسىندا اسسيستەنت، وقىتۋشى، اعا وقىتۋشى، دوتسەنت مىندەتتەرىن اتقاردى. 2011-2012 وقۋ جىلدارىندا اتالعان ۋنيۆەرسيتەتتىڭ حالىقارالىق قاتىناستار فاكۋلتەتىنىڭ، حالىقارالىق قۇقىق كافەدراسىندا دوتسەنت قىزمەتىندە جۇمىس جاسادى. 2013  جىلدان باستاپ قازاق ۇلتتىق اگرارلىق ۋنيۆەرسيتەتىنىڭ، «قۇقىق» كافەدراسىنىڭ مەڭگەرۋشىسى قىزمەتىن 2023 جىلعا  دەيىن اتقاردى.

2002-2007 جىلدار ارالىعىندا ءال-فارابي اتىنداعى قازۇۋ-دىڭ جانىنداعى ك 14ا. 01.30 ديسسەرتاتسيالىق كەڭەسىنىڭ مۇشەسى بولدى.

عىلىمي زەرتتەۋ اياسى - مەملەكەت جانە قۇقىق تاريحى; قۇقىقتىق جانە ساياسي ىلىمدەر تاريحى. قازىرگى تاڭدا «نوعاي ورداسىنىڭ مەملەكەتتىك قۇرىلىسى جانە قۇقىقتىق جۇيەسى» اتتى تاقىرىپتا عىلىمي زەرتتەۋ جۇرگىزۋدە. سونىمەن قاتار، «قازاقستاننىڭ (ۇلى دالا ەلىنىڭ) مەملەكەت جانە قۇقىق تاريحى» اتتى 10-تومدىق ەڭبەكتى ازىرلەۋدە.

ءار جىلدارى قر بجعم قارجىلاندىراتىن مەملەكەتتىك گرانتتاردىڭ ورىنداۋشىسى: «ءداستۇرلى قازاق قوعامىنداعى مەملەكەتتىك بيلىك: تاريحى جانە تاعلىمى» (2000-2003 جج), «قازاقستان قوعامىمەن ونىڭ مەملەكەتتىلىگىنىڭ ەۆوليۋتسياسى مەن دامۋىنىڭ قۇقىقتىق ماسەلەلەرى» (2003-2005 جج.), «مادەني مۇرا» مەملەكەتتىك باعدارلاماسى اياسىندا ۇعا-نىڭ اكادەميگى، پروفەسسور س.ز. زيمانوۆتىڭ باسشىلىعىمەن «قازاقتىڭ اتا زاڭدارى» 10-تومدىق فۋندامەنتالدىق ەڭبەكتى ازىرلەدى. قازاقستان رەسپۋبليكاسىنىڭ ءبىلىم جانە عىلىم مينيسترلىگىنىڭ تاپسىرىسى بويىنشا «قۇقىقتانۋ» (قازاق، ورىس، ۇيعىر، وزبەك تىلدەرىندە) وقۋلىعىن دايىنداۋعا قاتىستى.

باسىلىمدار: 4 مونوگرافيا، 4 وقۋلىق، 15 وقۋ قۇرالى، 100-دەن استام عىلىمي ماقالالار مەن كونفەرەنتسيا ماتەريالدارى بار.

ب.ج.قۋاندىقوۆ مەملەكەتتىك، قوعامدىق ىستەگى قىزمەتى، ەڭبەكتەگى جەتىستىكتەرى ءۇشىن تومەندەگى مەملەكەتتىك جانە ۆەدوستۆولىق ناگرادالارمەن ماراپاتتالعان:

1. مەدال «ءال-فارابي اتىنداعى قازاق ۇلتتىق ۋنيۆەرسيتەتىنە 80 جىل» (2014 ج.).
2. اۋىل شرۋاشىلىعى سالاسىن دامىتۋعا قوسقان ۇلەسى ءۇشىن قر اش ءمينيسترىنىڭ العىس حاتى (2015 ج.).
3. جامبىل وبلىستىق سوتى مەن قر سۋديالار وداعى جامبىل وبلىستىق فيليالى قازاقستان رەسپۋبليكاسىنىڭ پرەزيدەنتى ن.ءا. نازارباەۆتىڭ «بولاشاققا باعدار: رۋحاني جاڭعىرۋ» ماقالاسىن تالقىلاۋ شەڭبەرىندە «ۇلتتىق سانا جاڭعىرۋ جانە تاريحي تۇلعالار ونەگەسى» تاقىرىبىنداعى عىلىمي كونفەرەنتسياعا بەلسەندى تۇردە قاتىسقانى ءۇشىن العىس حات (2017 ج.).

ب.ج. قۋاندىقوۆ جوعارى دەڭگەيدەگى بىلىكتى مامان، ۇلاعاتتى ۇستاز، ارىپتەستەرى مەن ستۋدەنتتەرىنىڭ اراسىندا ۇلكەن قۇرمەت پەن بەدەلگە يە.

2020 جىلى قازاقستان رەسپۋبليكاسى كونستيتۋتسياسىنىڭ 25 جىلدىعىنا ارنالعان ق.ءا. ءماميدىڭ باسشىلىعىمەن دايىنلاعان «قازاقستان رەسپۋبليكاسى كونستيتۋتسياسىنىڭ ەنتستسيكلوپەديالىق انىقتامالىعىن» ازىرلەۋگە قاتىستى. بيىلعى جىلعا جوسپارلانىپ وتىرعان «س.ز. زيمانوۆ ەنتسيكلوپەدياسىنىڭ» جاۋاپتى رەداكتورى.

باحىتجان ءجۇرسىنۇلى، ءسىز ونەگەلى ەڭبەگىڭىزبەن، تىندىرىمدى ىسىڭىزبەن جانە قاراپايىم دا پاراساتتى مىنەزىڭىزبەن ۇلكەن ابىروي-بەدەلگە يە بولعان ۇجىمىمىزدىڭ تاجىريبەلى، ۇزدىك مامانىسىز. تۋعان كۇنىڭىز قۇتتى بولسىن! ءسىزدى مەرەيتويىمەن قۇتتىقتاي وتىرا ءاردايىم ەڭبەگىڭىز جانا بەرسىن، جاڭا بيىك جەتىستىك شىڭدارىنا كوتەرىلە بەرىڭىز دەپ تىلەيمىز.

د.ا. تۋرسىنكۋلوۆا،

ءال-فارابي اتىنداعى قازۇۋ-ءدىڭ مەملەكەت جانە قۇقىق تەورياسى مەن تاريحى، كونستيتۋتسيالىق جانە اكىمشىلىك قۇقىق كافەدراسى زاڭ عىلىمدارىنىڭ كانديداتى، ۇلتتىق زاڭ اكادەمياسىنىڭ اكادەميگى 

Abai.kz