«شەت ەلدەگى قازاق بالالارى» جوباسىنىڭ كەيىپكەرلەرى قازاقستانعا كەلەدى، دەپ حابارلايدى Abai.kz اقپاراتتىق پورتالى ulysmedia.kz. سىلتەمە جاساپ.

جوبا اۆتورى جانار بايسەمىزوۆا:

«ولار قازاق ءتىلىن وقيدى، قازاق مادەنيەتىمەن تانىسادى، قازاقتىڭ تاريحىن بىلەدى»، دەپ الەۋمەتتىك جەلىدە ءسۇيىنشى سۇرادى.

«قازىرگى ۋاقىتتا ءال فارابي اتىنداعى قازاق ۇلتتىق ۋنيۆەرسيتەتى رەسمي حات دايىنداپ جاتىر. ۋنيۆەرسيتەتتىڭ اتىنان گۇلشارا اسىلبايقىزى وسى ىسكە جانىن سالىپ، كىرىسىپ جاتىر. حات دايىن بولعان سوڭ شەت ەلدەگى قر ەلشىلىكتەرىنە جولدايمىز»،- دەپ جازدى جوبا اۆتورى ءوزىنىڭ جەلىدەگى پاراقشاسىندا.

قۋانىشتى حابار شەتەلدەگى قازاقتىڭ قىز-جىگىتتەرىنە جەتكەن. كوپشىلىگى كەلۋگە ىقىلاس تانىتىپ وتىر.

«شەتەلدىكتەر اسىراپ العان قازاقستاندىق بالالاردىڭ ەلدە قينالماي جۇرۋىنە بارلىق جاعداي جاسالادى. ولاردىڭ جول شىعىنى، ۆيزاسى تولەنەدى. ءۇش مەزگىل تاماق، جاتاقحانا تەگىن بەرىلەدى+ستيپەنديا الادى. ۇزاق ۋاقىتقا كەلە المايتىندارى ءۇش اي، ۋاقىتى بارلارى توعىز اي وقيدى. ەلگە كەلىپ، انا ءتىلىن ۇيرەنۋگە تالعات، ساردار، انەل جانە سۇلتان قۇلشىنىپ وتىر. سابينا دا كەلۋى مۇمكىن. انەل توعىز ايعا كەلگىسى كەلىپ جاتىر. تالعات، بۇگىن قاشان كەلە الامىز، دەپ سۇراپ جاتىر»، - جازدى جانار باسەمىزوۆا.

فوتو: 365info.kz

Abai.kz