(بىشكەكتە، اعا-دوسىم ش.ايتماتوۆتىڭ
قايعىلى قازاسىندا وقىلعان جىر)

«ەكى شىڭعىس عۇمىر كەشتى مىنا
ۇمىتشاق عالامدا،
ەكى دارا ءىز قالدىردى ولار ەلگە، زامانعا.
ەكەۋى دە دارىنىمەن، جالىنىمەن لاۋلادى،
ءبىرى قىلىش، نايزا كەزەپ، ءبىرى رۋحپەن باۋرادى.
ەكەۋى دە سان ميلليون ادامداردى جاۋلادى،
ەكەۋىن دە ەسكە ساقتاپ قالدى قىرعىز تاۋلارى.

ونىڭ ءبىرى – داڭق كوگىنە زورلىعىمەن تىرمىسقان،
جارتى الەمدى قان قاقساتقان
باس قولباسشى شىڭعىس حان.
ەكىنشىسى – قارۋ ەتكەن رۋحي-نامىس قاناتىن،
قارا كۇشكە قارسى قويعان زور ادامي ساناتىن،
ءار جۇرەكتىڭ ايدىنىندا ىزگىلىك بوپ جاناتىن،
جاڭا ماناس – ۇلى شىڭعىس ايتماتوۆ بولاتىن...

ول كوتەرگەن ماڭگۇرتتەنۋ ماسەلەسىن الالىق،
نەگە قازىر سول قاسىرەت ەمەس مۇڭلى جاڭالىق؟
بۇل عاسىردا ماڭگۇرت بولۋ ءتىپتى باقىت سانالىپ،
ناق ءبىر قاجەت يگىلىكتەي جاتىر جۇرتقا تارالىپ.
قالىڭ ەلدى وسى ىندەتتەن ساقتاندىرۋ مۇمكىن بە؟
ءۇش-ءتورت قازاق، قىرعىزىڭنىڭ ءبىرى ماڭگۇرت
بۇل كۇندە.
ۇلتتىڭ جەتكەن جەرى وسى ما قانشا عاسىر
جول ءجۇرىپ؟

ماڭگۇرت ەمەس باسشى كورسە تاڭ قالاتىن
بولدى جۇرت.

ءتىل – ۇلى انا، ءوز اناسىن مەنسىنبەۋدىڭ مۇڭى بار،
كىنالىلەر ءسوزسىز ونىڭ كيە-كۇشىن ۇعىنار...
قاپتاپ كەتتى ولكەمىزدى اڭگۇدىكتەر - اڭگۇرتتەر،
ءتىلىن، رۋحىن سۇيمەگەننىڭ بارلىعى دا ماڭگۇرتتەر.
بۇل باعىتپەن مۇمكىن بە ەرتەڭ
ۇلتتىڭ ۇلت بوپ قالماعى؟
مىنە، ايتماتوۆ ويلارىنىڭ سالماعى
مەن تولعاعى...

P.S.
سەنى ءولدى دەپ كىم ايتادى شىڭعىس اعا،
شىڭ اعا،

(بىشكەكتە، اعا-دوسىم ش.ايتماتوۆتىڭ
قايعىلى قازاسىندا وقىلعان جىر)

«ەكى شىڭعىس عۇمىر كەشتى مىنا
ۇمىتشاق عالامدا،
ەكى دارا ءىز قالدىردى ولار ەلگە، زامانعا.
ەكەۋى دە دارىنىمەن، جالىنىمەن لاۋلادى،
ءبىرى قىلىش، نايزا كەزەپ، ءبىرى رۋحپەن باۋرادى.
ەكەۋى دە سان ميلليون ادامداردى جاۋلادى،
ەكەۋىن دە ەسكە ساقتاپ قالدى قىرعىز تاۋلارى.

ونىڭ ءبىرى – داڭق كوگىنە زورلىعىمەن تىرمىسقان،
جارتى الەمدى قان قاقساتقان
باس قولباسشى شىڭعىس حان.
ەكىنشىسى – قارۋ ەتكەن رۋحي-نامىس قاناتىن،
قارا كۇشكە قارسى قويعان زور ادامي ساناتىن،
ءار جۇرەكتىڭ ايدىنىندا ىزگىلىك بوپ جاناتىن،
جاڭا ماناس – ۇلى شىڭعىس ايتماتوۆ بولاتىن...

ول كوتەرگەن ماڭگۇرتتەنۋ ماسەلەسىن الالىق،
نەگە قازىر سول قاسىرەت ەمەس مۇڭلى جاڭالىق؟
بۇل عاسىردا ماڭگۇرت بولۋ ءتىپتى باقىت سانالىپ،
ناق ءبىر قاجەت يگىلىكتەي جاتىر جۇرتقا تارالىپ.
قالىڭ ەلدى وسى ىندەتتەن ساقتاندىرۋ مۇمكىن بە؟
ءۇش-ءتورت قازاق، قىرعىزىڭنىڭ ءبىرى ماڭگۇرت
بۇل كۇندە.
ۇلتتىڭ جەتكەن جەرى وسى ما قانشا عاسىر
جول ءجۇرىپ؟

ماڭگۇرت ەمەس باسشى كورسە تاڭ قالاتىن
بولدى جۇرت.

ءتىل – ۇلى انا، ءوز اناسىن مەنسىنبەۋدىڭ مۇڭى بار،
كىنالىلەر ءسوزسىز ونىڭ كيە-كۇشىن ۇعىنار...
قاپتاپ كەتتى ولكەمىزدى اڭگۇدىكتەر - اڭگۇرتتەر،
ءتىلىن، رۋحىن سۇيمەگەننىڭ بارلىعى دا ماڭگۇرتتەر.
بۇل باعىتپەن مۇمكىن بە ەرتەڭ
ۇلتتىڭ ۇلت بوپ قالماعى؟
مىنە، ايتماتوۆ ويلارىنىڭ سالماعى
مەن تولعاعى...

P.S.
سەنى ءولدى دەپ كىم ايتادى شىڭعىس اعا،
شىڭ اعا،
ءار شىعارماڭ قايتالانباس جەكە، ۇلى مۇنارا.
جەتىنشى رۋح تۇيسىگىنىڭ جوتاسىنان جاعار وت،
سەندەي دوس جوق مەن سورلىعا،
سەنەن جاقىن اعا جوق.
كوز جۇمۋىڭ ۇلعايتقانمەن جۇرەگىمنىڭ جاراسىن،
تىنباي جالعاي بەرەسىڭ سەن ەل مەن ەلدىڭ اراسىن.
ءيا، ەكىنشى ماناسسىڭ سەن، ماناسپەن تەڭ داناسىڭ.
كۇندە رۋحپەن، سوزبەن ەمدەپ ماڭگۇرتتەردىڭ
ساناسىن
جانە انا-تابيعاتپەن تاۋىپ ماڭگى جاراسىم،
ەندى الاتاۋدان دا زور
شىڭعىس-تاۋ بوپ قالاسىڭ!»

14-ماۋسىم، 2008 ج.
Abai.kz