"قازىر الىم مولشەرىن ارزانداتۋ قاراستىرىلىپ جاتقان جوق. شەتەلدىك اۆتوكولىكتەردى تىركەۋ كەزىندە الىناتىن تولەم بويىنشا ءتيىستى شارالار تەحنيكالىق رەگلامەنت تالاپتارىنا ساي كەلمەيتىن كولىك قۇرالدارىن اكەلۋدى شەكتەۋ ءۇشىن عانا ەمەس، وتاندىق ءاۆتووندىرىستى دامىتۋعا قارجى جىبەرۋ ماقساتىندا ەنگىزىلدى", – دەگەن مينيسترلىك استاناداعى ۋتيليزاتسيا الىمىنا قارسى ادامدارمەن كەزدەسۋ قورىتىندىسى جونىندەگى حابارلاماسىندا.
مينيسترلىك الىم بويىنشا قابىلدانعان شارالار وتاندىق اۆتوكولىك ءوندىرىسى مەن قالدىقتاردى باسقارۋ جونىندەگى ىشكى ينفراقۇرىلىمدا باسەكەنى جاقسارتۋدى كوزدەيدى دەيدى.
"اتالعان ماسەلەلەرگە ءتيىستى مەملەكەتتىك ورگانداردى تارتا وتىرىپ، بارلىق كەرەك قۇجاتتى كورسەتىپ شەشۋ كەرەك", – دەگەن مينيسترلىك.
قازتاگ 4 ناۋرىزدا ءتۇرلى وڭىردەن جينالعان ءبىر توپ ادام ۋتيليزاتسيا الىمىن جويۋدى تالاپ ەتىپ استاناعا بارعانىن حابارلادى. نارازى توپ ونەركاسىپ جانە قۇرىلىس مينيسترلىگى وكىلدەرىمەن كەزدەسۋگە، ولارعا ءوز ۇسىنىستارىن ايتىپ، العاشقى تىركەۋ كەزىندەگى تولەم جانە ۋتيليزاتسيا الىمىن جويۋ تالابىن جەتكىزۋگە نيەتتى ەكەنىن مالىمدەدى. ولاردىڭ سوزىنشە، 2016 جىلى قازاقستاندا العاشقى تىركەۋ كەزىندەگى تولەم ەنگىزىلگەن سوڭ كولىكتەردىڭ ورتاشا پايدالانۋ مەرزىمى 20 جىلدان 24 جىلعا دەيىن وسكەن.
2024 جىلدىڭ باسىنان بەرى قازاقستاننىڭ بىرنەشە وڭىرىندە ۋتيليزاتسيا الىمىن ارزانداتۋدى تالاپ ەتكەندەر پرەزيدەنت قاسىم-جومارت توقاەۆقا ۇندەۋ جاسادى. اقپان ايىندا ورال قالاسىندا شامامەن 70 ادام حالىققا قىزمەت كورسەتۋ ورتالىعى ماڭىنا جينالىپ، ۋتيليزاتسيا الىمىن 200 مىڭ تەڭگەگە دەيىن ازايتۋدى تالاپ ەتتى. وعان دەيىن اقتوبەدە ءۇش جۇزدەي ادام شەتەلدەن اكەلىنگەن كولىكتەردىڭ العاشقى تىركەۋىنە تولەنەتىن اقشا مولشەرىن جانە ۋتيليزاتسيا الىمىن ازايتۋدى تالاپ ەتىپ، بيلىكتىڭ كەلىسىمى بويىنشا ميتينگ وتكىزدى.
2015 جىلى قازاقستاندا جاڭادان قۇرىلعان "وپەراتور روپ" كومپانياسى جارامسىز كولىكتەردىڭ بولشەكتەرى مەن مايىن وڭدەگەنى ءۇشىن ۇستالاتىن ۋتيليزاتسيا الىمىنان پايدا تاپقان. باق پەن بەلسەندىلەر بۇل كومپانياعا ەكس-پرەزيدەنت نۇرسۇلتان نازارباەۆتىڭ قىزى ءاليا نازارباەۆانىڭ قاتىسى بار دەپ ايتقان. 2020 جىلدىڭ باسىنداعى دەرەك بويىنشا، ءۇش جىلدا "وپەراتور روپ" جشس شوتىنا 220 ميلليارد تەڭگە تۇسكەن. قاڭتار وقيعاسىنان كەيىن پرەزيدەنت توقاەۆ "وپەراتور روپ" كومپانياسىنىڭ جۇمىسىن توقتاتۋدى بۇيىردى. ارتىنشا ونىڭ اتقارىپ كەلگەن مىندەتى "جاسىل دامۋ" كومپانياسىنا ءوتتى.
2022 جىلى بەلسەندىلەردىڭ كوپتەگەن نارازىلىق اكتسياسىنان كەيىن بيلىك ۋتيليزاتسيا الىمىن ەكى ەسە ازايتقان، بىراق نارازىلار ول شەشىمدى سىناعان. بەلسەندىلەر ۋتيليزاتسيا الىمىنىڭ مولشەرى ءالى جوعارى جانە ونى جيناۋ مەحانيزمىندە اشىقتىق جوق دەيدى.
2023 جىلى استانا سوتى "وپەراتور روپ" كومپانياسىنىڭ بۇرىنعى باسشىلارى مەن بۇرىنعى ەكولوگيا ءمينيسترىنىڭ ورىنباسارىن 7 جىلعا دەيىنگى مەرزىمگە بوستاندىعىنان ايىرۋعا ۇكىم شىعارعان.
بەس جىل ىشىندە "وپەراتور روپ" 700 ملرد تەڭگە (1,5 ملرد دوللار) جيناعان.
دەرەككوزى: centralasian.org
Abai.kz
