استانادا ايەلىن قاتىگەزدىكپەن ولتىرگەن بيشىمباەۆتىڭ سوتى ءالى دە جالعاسىپ جاتىر. سالتانات نۇكەنوۆانىڭ مايىتىنە قاتىستى تەكسەرۋ حاتتاماسىن پروكۋرور ايجان ايماعانوۆا وقىپ بەردى.

"قولىنىڭ شىنتاق تۇسى قايىرىلعان. دەنەدەن الىس جاتىر. اياعىن سوزىپ، جازىپ جاتىر. ءولى دەنە سىرەسىپ قالعان. دەنەنىڭ ارتقى بولىگى مەن جانى جاعىنداعى، اياق-قولىنداعى ءمايىت "داقتارىن" باسساڭىز، بىردەن جوعالادى. باسىندا جاراقاتتارى بار، باس تەرىسىندە، ساماي، جەلكە جانە ساماي ايماقتارىندا قان كەتكەن", – دەپ وقىپ شىقتى ايماعانوۆا.

مارقۇمنىڭ اعاسى ايتبەك امانگەلدى ءمايىت كورسەتىلگەن ۆيدەو مەن فوتولاردى كوپشىلىككە كورسەتپەۋدى ءوتىندى. سوت پروتسەسسىندە بۇل وتىنىشكە ەكس-مينيستر مەن ونىڭ ادۆوكاتتارى بۇعان قارسى بولدى. سۋديا ايجان قۇلباەۆا ءمايىتتىڭ فوتولارى مەن ۆيدەولارىن تەك القابيلەر مەن باسقا دا سوت قاتىسۋشىلارىنا كورسەتۋدى ۇيعاردى.

مارقۇمنىڭ دەنەسىن تەكسەرۋ 9 قاراشا كۇنى ساعات 21.40-تا باستالىپ، 23.20-دا اياقتالدى. تەكسەرۋ كەزىندە مارقۇمنىڭ باسىنداعى شاش وسكەن جەرى دە قانعا مالىنعانى انىقتالعان.

Abai.kz