كەلەس اۋدانىنداعى ديقانداردىڭ سۋ ماسەلەسى شەشىلدى. وسىعان دەيىن اۋدانعا قاراستى سولتۇستىك تاشكەنت كانالىنداعى توسپالى سۋ قۇرىلىمىندا بولعان اپات سالدارى تولىعىمەن جويىلىپ، بۇگىن سۋ قايتا بەرىلە باستادى. 

قازاقستان رەسپۋبليكاسى اۋماعىنان 19,2 شاقىرىمى اعىپ وتەتىن ستك كانال وزبەكستان رەسپۋبليكاسى اۋماعىنان باستاۋ الادى. جالپى 2922 گەكتار ەگىندىك جەر سۋمەن قامتىلدى.

جۇزىمدىك اۋىلدىق وكرۋگى اۋماعىنان وتەتىن سولتۇستىك تاشكەنت كانالىنداعى توسپالى سۋ قۇرىلىمىندا (سارقىراما) بيىل 9 ناۋرىزدا اپاتتى جاعداي بولدى. جوندەۋ جانە قۇرىلىس جۇمىستارى قولعا الىندى.

وزبەكستان رەسپۋبليكاسىنىڭ "بوز-سۋ" يرريگاتسيا مەكەمەسىمەن بىرلەسىپ، بيىلعى جىلدىڭ 31 ناۋرىزىندا قۇرىلىس جۇمىستارى باستالىپ، 2 ءساۋىر كۇنى تولىق اياقتالعان.

جوندەۋ-قۇرىلىس جۇمىستارىندا قۇيىلعان بەتون قاپتامالارى اعىن سۋ وتكىزۋگە 2024 جىلدىڭ 5 ءساۋىر كۇنى تولىق دايىن بولدى.  شارۋالارعا سۋ بەرىلىپ، ماسەلە شەشىلدى.

Abai.kz