ەلىمىزدەگى بولىپ جاتقان سۋ تاسقىنى سالدارىنان اتىراۋ وبلىسىنىڭ جىلىوي اۋدانىنان ماڭعىستاۋعا كوشىرىلگەن تۇرعىندار سانى 18 مىڭعا جۋىقتادى.

توتەنشە جاعداي باستالعالى بەرى قۇلسارى قالاسىنان ماڭعىستاۋعا ەۆاكۋاتسيالانعان تۇرعىندار جەتكىزىلسە، ەكى مىڭعا جۋىعى اقتاۋ قالاسىنا ۋاقىتشا ورنالاستىرىلدى.

"ونىڭ ىشىندە بەينەۋگە – 8 510, بورانقۇل اۋىلىنا – 7 371, ەسەت اۋىلىنا – 456, سارعا اۋىلىنا – 155, شەتپە كەنتىنە – 6, اقتاۋ قالاسىنا 1893 ادام كەلدى", – دەپ حابارلادى ماڭعىستاۋ وبلىسى اكىمدىگىنىڭ ءباسپاسوز قىزمەتى.

ماڭعىستاۋعا پويىزبەن، ۇشاقپەن دە كەلىپ جاتقان تۇرعىنداردىڭ سانى ازىرگە انىقتالعان جوق.

جىلىوي اۋدانىنان جالپى 28 558 تۇرعىن، ونىڭ ىشىندە 6 796 بالا ەۆاكۋاتسيالانىپ، قابىلداۋ پۋنكتەرىنە كوشىرىلدى.

سونىمەن قاتار ەلدى مەكەندەردىڭ تۇرعىندارىنىڭ قاراماعىنداعى 10 559 باس مال قاۋىپسىز جەرگە ايدالدى. سونىڭ ىشىندە 3 046 ءىرى قارا مال، 5 889 ۇساق مال، 1 557 جىلقى جانە 67 تۇيە.

Abai.kz