ەلىمىزدەگى سۋ باسقان ايماقتارعا قىرعىز رەسپۋبليكاسىنىڭ جونەلتكەن گۋمانيتارلىق كومەك كەرۋەنى بۇگىن سىر وڭىرىنە جەتتى. 15 جۇك كولىگى ءتورت باعىتقا اتىراۋ، اقتوبە، باتىس قازاقستان جانە قوستاناي وبلىستارىن بەت العان.

300 تونناداي گۋمانيتارلىق جۇك ارتقان جاردەم كەرۋەنىنە قىرعىز رەسپۋبليكاسىنىڭ توتەنشە جاعدايلار ءمينيسترىنىڭ ورىنباسارى ۋرماتبەك شامىرقانوۆ جەتەكشىلىك ەتىپ كەلەدى.

كولىكتەردە توسەك-ورىن جابدىقتارى، كيىم-كەشەك، جىلىتقىش قوندىرعىلار مەن ازىق-تۇلىك بار. بىرنەشە كۇننەن بەرى جولدا كەلە جاتقان قىرعىز باۋىرلاردى سىر ءوڭىرىنىڭ ەل ازاماتتارى قارسى الىپ، قوناقجايلىق تانىتتى.

ۋرماتبەك شامىرقانوۆ، قىرعىز رەسپۋبليكاسى تجم ۆيتسە-ءمينيسترى:

“قازاق بىرتۋعاندار قىرعىز ەلى اتىنان قازاق ەلىندە جاپا شەككەن وبلىستارىنا جاردەم الىپ كەلە جاتىرمىز. قازىر بۇل جەردە جاردەم كەرۋەنىندە 15 فۋراعا جۇكتەلگەن ەڭ ءبىرىنشى كەزەكتە كەرەك بارلىق تاۋارلار بار. ەگەر قازاق ەلىنە تاعى قوسىمشا تاعى ءبىر قانداي كومەك كەرەك بولسا تاعى الىپ كەلۋگە دايارمىز”، - دەلىنگەن حابارلامادا.

Abai.kz