جالپىعا بىردەي دەكلاراتسيانى كىمدەر تاپسىرادى؟
ماڭعىستاۋ وبلىسى بويىنشا مەملەكەتتىك كىرىستەر دەپارتامەنتى
جالپىعا بىردەي دەكلاراتسيالاۋ شەڭبەرىندە 2024 جىلى سالىق
دەكلاراتسياسىن ۇسىنۋ بويىنشا ەڭ تانىمال 5 سۇراققا جاۋاپ بەرەدى.
2024 جىلى جالپىعا بىردەي دەكلاراتسيانى كىم تاپسىرادى؟
اعىمداعى جىلى اكتيۆتەر مەن مىندەتتەمەلەر تۋرالى «كىرۋ» دەكلاراتسياسىن (250.00-نىسان):
- زاڭدى تۇلعالاردىڭ باسشىلارى، قۇرىلتايشىلارى (قاتىسۋشىلارى) جانە ولاردىڭ جۇبايلارى;
- دارا كاسىپكەرلەر (ونىڭ ىشىندە بىرلەسكەن كاسىپكەرلىك مۇشەلەرى) مەن ولاردىڭ جۇبايلارى ۇسىنادى.
جىل سايىنعى كىرىستەر مەن مۇلىك تۋرالى دەكلاراتسيانى (270.00 – نىسان) – جالپىعا بىردەي دەكلاراتسيالاۋدىڭ 1-2-كەزەڭىنىڭ دەكلارانتتارى ۇسىنادى.
دەكلاراتسيانى تاپسىرۋعا مىندەتتى زاڭدى تۇلعالار
باسشىلارىنىڭ، قۇرىلتايشىلارىنىڭ (قاتىسۋشىلارىنىڭ) ساناتىنا كىم جاتادى؟
العاش رەت اكتيۆتەر مەن مىندەتتەمەلەر تۋرالى «كىرۋ» دەكلاراتسياسىن (250.00-نىسان) مىنا تۇلعالار ۇسىنادى:
- زاڭدى تۇلعالاردىڭ (كوممەرتسيالىق جانە كوممەرتسيالىق ەمەس
ۇيىمداردىڭ) باسشىلارى;
- ديرەكتورلار كەڭەسىنىڭ توراعاسى;
- زاڭدى تۇلعانىڭ القالى باسقارۋ ورگانىنىڭ ءبىرىنشى باسشىسى;
- جەكە باسشى;
- تۇرعىن ءۇي / ساياجاي كووپەراتيۆتەرىنىڭ توراعاسى;
- زاڭدى تۇلعالاردىڭ قۇرىلتايشىلارى;
- زاڭدى تۇلعالاردىڭ قاتىسۋشىلارى;
- سونداي-اق جوعارىدا اتالعان تۇلعالاردىڭ جۇبايى/زايىبى.
بۇل تالاپ ارەكەتسىز جانە قىزمەتىن توقتاتقان تۇلعالارعا دا قاتىستى. جالپىعا بىردەي دەكلاراتسيالاۋدىڭ 3 كەزەڭىنىڭ دەكلارانتتارى تىزىمىنە كىرمەيدى:
- فيليالدار مەن وكىلدىكتەردىڭ باسشىلارى
- ءدىني بىرلەستىكتەردىڭ باستاماشىسى-ازاماتتار
- تۇرعىن ءۇي / ساياجاي كووپەراتيۆتەرىنىڭ مۇشەلەرى.
اكتيۆتەر مەن مىندەتتەمەلەر تۋرالى (250.00- نىسان) دەكلاراتسيادا نە كورسەتىلەدى؟
دەكلاراتسيادا 2023 جىلعى 31 جەلتوقسانداعى جاعداي بويىنشا
مىناداي اكتيۆتەر مەن مىندەتتەمەلەر كورسەتىلۋى ءتيىس:
- شەتەلدەگى جىلجىمايتىن مۇلىك جانە كولىك;
- شەتەلدىك بانكتەگى اقشا، 7,3 مىڭ اقش دوللارىنان اساتىن (1 000
اەك);
- شەتەلدىك كومپانياداعى قاتىسۋ ۇلەسى;
- باعالى قاعازدار، تسيفرلىق اكتيۆتەر (بيتكويندەر جانە ت. ب.);
- ۇلەستىك قاتىسۋ شارتى (تۇرعىن عيماراتتاعى ۇلەسى);
- ينۆەستيتسيالىق التىن (قۇيما التىن);
- زياتكەرلىك مەنشىك جانە اۆتورلىق قۇقىق وبەكتىلەرى;
- 34,5 ملن. تەڭگە (10 000 اەك) شەگىندە قولما-قول اقشا;
- دەكلاراتسيا تاپسىرعانعا دەيىن نوتاريالدى كۋالاندىرىلعان
باسقا تۇلعالارمەن قارىز شارتتارى;
- قۇنى 3,4 ملن.تەڭگەدەن اساتىن باسقا مۇلىك (قالاۋى بويىنشا) (مادەني قۇندىلىقتار، زەرگەرلىك بۇيىمدار، اسىل تۇقىمدى جانۋارلار جانە ت. ب.) – باعالاۋدى دەكلاراتسيا تاپسىرىلعانعا دەيىن جاساۋ قاجەت.
دەكلاراتسيانى تاپسىرۋدىڭ مەرزىمدەرى مەن تاسىلدەرى
قانداي؟
2024 جىلدان باستاپ دەكلاراتسيانى تابىس ەتۋدىڭ بىرىڭعاي مەرزىمى 2024 جىلدىڭ 15 قىركۇيەگىنە دەيىن دەپ بەلگىلەندى. ازاماتتار ءوزىنىڭ تۇرعىلىقتى جەرى بويىنشا دەكلاراتسيانى تاپسىرۋى كەرەك.
ەلەكتروندىق نىساندا دەكلاراتسيانى «سالىق تولەۋشىنىڭ كابينەتى» مكك web-پورتالى ارقىلى (cabinet.salyk.kz), «ەلەكتروندىق ۇكىمەت» پورتالى (egov.kz), moldir.qoldau.kz, سونداي-اق e-Salyq Azamat, eGov mobile, بانكتەردىڭ ءموبيلدى قوسىمشالارى (HALYK, تسەنتركرەديتبانك، Kaspi.kz) ارقىلى ۇسىنۋعا بولادى. دەكلاراتسيانىن تاپسىرۋ ءۇشىن ەلەكتروندى تسيفرلىق قولتاڭبا قاجەت ەمەس، ونى SMS-پارول ارقىلى جىبەرۋگە بولادى.
قاعاز تۇرىندە سالىق دەكلاراتسياسىن حقكو، مەملەكەتتىك كىرىستەر
ورگاندارى نەمەسە پوشتا بولىمشەلەرى ارقىلى ۇسىنۋعا بولادى.
دەكلاراتسيادا ەرلى-زايىپتىلاردىڭ ورتاق مۇلكىن جەكە تۇلعا
كورسەتۋى قاجەت پە؟
قازاقستان رەسپۋبليكاسىندا تىركەلگەن مۇلىكتى دەكلاراتسيادا كورسەتۋدىڭ قاجەتى جوق. بىراق شەت مەملەكەتتە تىركەلگەن مۇلىك تۋرالى مالىمەتتى ەرلى-زايىپتىلاردىڭ ەكەۋى دە كورسەتۋ قاجەت.
Abai.kz
