كۇرىشتىڭ ارقاسىندا كۇرمەك سۋ ءىشىپتى دەمەكشى، سۋ تاسقىنىنىڭ الدىن الۋعا ارنالعان قۇم تولى قاپشىقتى ۇرلاۋشىلار دا تابىلدى. قازىرگى تاڭدا بەس ادامنىڭ ۇستىنەن قىلمىستىق ءىس قوزعالدى. بۇل تۋرالى Abai.kz حابارلايدى.

قالالىق پوليتسيا قىزمەتكەرلەرىنىڭ حابارلاۋىنشا، 18 ءساۋىر كۇنى ساعات 21:00 شاماسىندا اتىراۋ قالاسىندا جايىق وزەنىنىڭ بويىنا قۇم تولى قاپشىقتاردان تۇرعىزىلعان بوگەتتى بۇزىپ،  قاپشىقتاردى ۇرلاعان ادامدار انىقتالدى.

"اتىراۋ قالاسىنداعى جايىق جاعالۋىندا تاسقىن سۋدىڭ الدىن الۋ ماقساتىندا دايىندالعان بوگەتتەردەن قۇم تولتىرىلعان قاپشىقتاردى اشىق تۇردە جىمقىرعاندار انىقتالىپ ۇستالدى. 42, 32, 37, 38 جاستاعى ەر ادامدار مەن 34 جاستاعى ايەل ادام الدىن الا اقىلداسىپ قۇم تولى قاپشىقتاردى ءوز تۇرعىن ۇيلەرىنىڭ قورشاۋىنا كولىككە تيەپ تاسىعان", – دەلىنگەن اتىراۋ قالالىق پوليتسياسىنىڭ حابارلاماسىندا. 

Abai.kz