اتىراۋ وبلىسىندا ماحامبەت اۋدانىنىڭ تالدىكول اۋىلىنا كىرەتىن جولدىڭ ەكى جاعىن سۋ شايىپ جاتىر. بۇل تۋرالى ازاتتىق راديوسى جازدى.

اۋىلدى سۋ باسۋ مۇمكىن بولعاندىقتان قازىر جەرگىلىكتى تۇرعىنداردى الدىن الا ەۆاكۋاتسيالاۋ باستالدى.

ء“بىرىنشى كەزەكتە ەۆاكۋاتسيالاناتىن تۇرعىندار ساناتىنا جۇكتى ايەلدەر، بالالار مەن قارتتار جاتادى. اۋىر ناۋقاستار اتىراۋ وبلىسىنىڭ دەنساۋلىق ساقتاۋ باسقارماسى ازىرلەگەن الگوريتم بويىنشا ەۆاكۋاتسيالانادى. تۇرعىندار ءۇشىن اتىراۋ قالاسىندا - APEC جوعارى كوللەدجىندە جانە "Dana" قوناق ۇيىندە ەۆاكۋاتسيالىق پۋنكتتەر دايىندالدى”، - دەيدى وبلىستىق جەدەل شتاب وكىلدەرى.

ماحامبەت اۋدانىنىڭ اكىمى قايرات نۇرلىباەۆتىڭ ايتۋىنشا، قازىر قورعانىس بوگەتتەرىن نىعايتۋ جانە سۋدى وتكىزۋ ءۇشىن قۇبىرلاردى ورناتۋ جۇمىستارى جۇرگىزىلىپ جاتىر.

ء“بىز اۋىلدىڭ اينالاسىنداعى بوگەتتەر سۋدى ۇستاپ، ەلدىمەكەننىڭ سۋ باسۋىنا جول بەرمەيتىنىنە سەنىمدىمىز. الايدا تالدىكول اۋىلىنا اپاراتىن جول قاۋىپ تۋعىزىپ تۇر، ءبىز تۇرعىنداردىڭ وبلىس ورتالىعىنان ءبولىنىپ قالۋىنا جول بەرمەۋىمىز كەرەك”، - دەدى قايرات نۇرلىباەۆ.

تالدىكول اۋىلىندا 1,5 مىڭعا جۋىق تۇرعىن تۇرادى. تالدىكول اۋىلىنا كىرەبەرىس جولدىڭ ۇزىندىعى 7 شاقىرىمدى قۇرايدى.

Abai.kz