تاسقىننان كەيىنگى ۆيرۋستىڭ تارالۋ قاۋپى ايتىلدى
![](https://abai.kz/content/uploads/2024/05/lekse.jpg)
ۇكىمەت باسشىسىنىڭ ورىنباسارى قانات بوزىمباەۆ تاسقىننان كەيىنگى ۆيرۋستىڭ تارالۋ قاۋپىنە قاتىستى سۇراققا جاۋاپ بەردى، دەپ حابارلايدى Abai.kz Ulysmedia.kz اقپاراتتىق پورتالىنا سىلتەمە جاساپ.
ۋلانۋ مەن جۇقپالى اۋرۋلاردىڭ الدىن الۋ ءۇشىن ەپيدەمياعا قارسى جانە پروفيلاكتيكالىق ءىس-شارالار جۇرگىزىلىپ، بارلىق وڭىردە ورتالىقتاندىرىلعان جانە ورتالىقتاندىرىلماعان سۋمەن جابدىقتاۋ كوزدەرى وبەكتىلەرىنە باقىلاۋدى كۇشەيتىپ، سانيتاريالىق-حيميالىق جانە ميكروبيولوگيالىق كورسەتكىشتەرگە سۋ سىنامالارىن ىرىكتەۋ جانە زەرتتەۋلەر قولعا الىنعان.
ناتيجەسى قانداي؟
– سۋ تاسقىنى باستالعاننان بەرى ەلدىمەكەندەردىڭ سۋ باسقان ايماقتارىندا جانە ەۆاكۋاتسيالىق پۋنكتتەردە ورتالىقتاندىرىلعان كوزدەردەن 10 180 سىناما ىرىكتەپ الىندى. ونىڭ ىشىندە گيگيەنالىق نورماتيۆتەرگە سايكەس كەلمەيتىنى 670 سىناما، ورتالىقتاندىرىلماعان سۋ كوزدەرىنەن 1 363 سىناما. ونىڭ ىشىندە گيگيەنالىق نورماتيۆتەرگە سايكەس كەلمەيتىنى 124 سىناما (سايكەس كەلمەيتىن كورسەتكىشتەر اۋىز سۋدىڭ لاستانۋىنىڭ جاناما فاكتورى), – دەلىنگەن جاۋاپتا.
«جالپى سايكەس كەلمەيتىن سىنامالار بويىنشا كورسەتكىش 2022 – 2023 جىلداردىڭ قورىتىندىلارى بويىنشا ورتاشا رەسپۋبليكالىق جىلدىق كورسەتكىشتەن اسپايدى» دەيدى ۇكىمەت جاۋابىندا. سۋ كورسەتكىشتەرى نورماتيۆكە سايكەس كەلمەگەن جاعدايدا سۋ شارۋاشىلىعى ۇيىمدارى سۋ قۇبىرى جەلىلەرىن جۋىپ، دەزينفەكتسيا جۇمىستارىن جۇرگىزەدى.
Abai.kz