ۋكرايناداداعى «ەۆرومايدان» ءالى جالعاسىپ جاتىر. كەشە، ياعني، 8 جەلتوقسان كۇنى شەرۋشىلەر بەسسارابس الاڭىنداعى لەنيننىڭ ەسكەرتكىشىن قۇلاتىپ، ونىڭ ورنىنا ۋكراينا مەن ەۋرو وداقتىڭ تۋىن قويىپ، شام جاققان.

ۋكراينا حالقىن مايدانعا الىپ كەلگەن دە وسى قۇلدىق سانادان دەر كەزىندە قۇتىلعاندىعى. يۋششەنكونىڭ تۇسىندا «گولودومور»-عا ساياسي باعا بەرىلىپ، ونى گەنوتسيد دەپ باعالاپ، الەم نازارىنا شىعاردى. مۇنىمەن توقتاماي، ۋكراين ءتىلىنىڭ مارتەبەسىن كوتەرىپ، سوۆەت وكىمەتىنەن قالعان ەسكەرتكىشتەردى جاپپاي جويىپ، كوشەلەردىڭ اتتارىن اۋىستىردى. ءبىر سوزبەن ايتقاندا، حالىقتى قۇلدىق سانادان قۇتقارۋدىڭ جولىنا ءتۇستى. مىنە، بۇگىن ۋكراين حالقى قۇلدىقتان ازات سانانىڭ جەمىسىن كورىپ، مەملەكەت پەن ۇلت مۇددەسى سىنعا تۇسكەن شاقتا اقىرىپ الاڭدا تۇرعانىنا 18 كۇن بولدى.

ءتىپتى، ايگىلى ۋكرايندىق اعايىندى بوكسشىلار كليچكولاردا حالىقتى قولداپ، مايداندا ءجۇر.

ال، بىزدە شە؟ بىزدە تىنىشتىق...

نەگىزى، قوعام بۇلقىنعىسى كەلەدى. «كۇش قازانداي قاينايدى، كۇرەسۋگە دارمەن جوق». ماسەلەن، لەنين ەسكەرتكىشى «سارىارقا» كينوتەاترىنىڭ ارتىندا ءالى تۇر... ميرزوياندى ارەڭ اۋىستىردى. فۋرمانوۆتىڭ تۇسەر ءتۇرى جوق. اشارشىلىققا ساياسي باعا بەرىلمەك تۇگىلى، الماتىدا ەسكەرتكىش ورناتىلادى دەگەن جەردە قارا تاس قانا تۇر. قارا تاس كىمنىڭ باسىنا قويىلعان قۇلىپتاس؟ سونىڭ يەسى...

ۋكرايناداداعى «ەۆرومايدان» ءالى جالعاسىپ جاتىر. كەشە، ياعني، 8 جەلتوقسان كۇنى شەرۋشىلەر بەسسارابس الاڭىنداعى لەنيننىڭ ەسكەرتكىشىن قۇلاتىپ، ونىڭ ورنىنا ۋكراينا مەن ەۋرو وداقتىڭ تۋىن قويىپ، شام جاققان.

ۋكراينا حالقىن مايدانعا الىپ كەلگەن دە وسى قۇلدىق سانادان دەر كەزىندە قۇتىلعاندىعى. يۋششەنكونىڭ تۇسىندا «گولودومور»-عا ساياسي باعا بەرىلىپ، ونى گەنوتسيد دەپ باعالاپ، الەم نازارىنا شىعاردى. مۇنىمەن توقتاماي، ۋكراين ءتىلىنىڭ مارتەبەسىن كوتەرىپ، سوۆەت وكىمەتىنەن قالعان ەسكەرتكىشتەردى جاپپاي جويىپ، كوشەلەردىڭ اتتارىن اۋىستىردى. ءبىر سوزبەن ايتقاندا، حالىقتى قۇلدىق سانادان قۇتقارۋدىڭ جولىنا ءتۇستى. مىنە، بۇگىن ۋكراين حالقى قۇلدىقتان ازات سانانىڭ جەمىسىن كورىپ، مەملەكەت پەن ۇلت مۇددەسى سىنعا تۇسكەن شاقتا اقىرىپ الاڭدا تۇرعانىنا 18 كۇن بولدى.

ءتىپتى، ايگىلى ۋكرايندىق اعايىندى بوكسشىلار كليچكولاردا حالىقتى قولداپ، مايداندا ءجۇر.

ال، بىزدە شە؟ بىزدە تىنىشتىق...

نەگىزى، قوعام بۇلقىنعىسى كەلەدى. «كۇش قازانداي قاينايدى، كۇرەسۋگە دارمەن جوق». ماسەلەن، لەنين ەسكەرتكىشى «سارىارقا» كينوتەاترىنىڭ ارتىندا ءالى تۇر... ميرزوياندى ارەڭ اۋىستىردى. فۋرمانوۆتىڭ تۇسەر ءتۇرى جوق. اشارشىلىققا ساياسي باعا بەرىلمەك تۇگىلى، الماتىدا ەسكەرتكىش ورناتىلادى دەگەن جەردە قارا تاس قانا تۇر. قارا تاس كىمنىڭ باسىنا قويىلعان قۇلىپتاس؟ سونىڭ يەسى...

قازاقستاندا حالىقتى قۇلدىق سانادان قۇتقارۋ تۋرالى ارەگىدىك ايتىلىپ قانا كەلەدى. ءىس جۇزىندە ەشنارسە جاسالعان ەمەس. انەۋگۇنى ۇلتتىق تاريحتى ناسيحاتتاۋدى باستاپ، بيلىك وتارسىزدانۋدىڭ نىشانىن جاساعان ەدى، ىلە ونىڭ دا تىرسەگىن قيىپ جىبەردى. قيادى، ويتكەنى، قازاقستاندا مەملەكەتتىك تاۋەلسىزدىك بولعانىمەن، ساياسي جۇيەسى وزگەرمەگەن. جۇيە - سول باياعى سوۆەتتىك-كوممۋنيستىك، پاريالىق كادرلاردىڭ قولىندا.

دەمەك، تاريحي ساناسى جاڭعىرماعان ۇلتقا مايدان دا جوق. تەك وزگەلەردىڭ مايدانىنا تامسانىپ وتىرا بەرەدى. كەرەك دەسەڭىز، قازاقستانداعى مايداننىڭ ۋاقىتى ءوتىپ كەتكەن بولۋى دا مۇمكىن...

ال، ءسىز قۇلىپتاسقا قاراپ وتىراسىز...

ايتپاقشى، كيەۆتەگى مايداننان قازاقستاننىڭ تۋىن دا كورۋگە بولادى. ونى ۇستاعان – مۇحتار تايجان. كەشەلى بەرى قاسىنا بىرنەشە جىگىتتەر ەرتكەن مۇحتار ەۆرومايداننىڭ بەلورتاسىندا ءجۇر.

Abai.kz