ءبىزدىڭ ەلىمىزدە جولشى ماماندىعى سۇرانىسقا يە جانە جولشىلارعا دەگەن سۇرانىس جىل سايىن ارتىپ كەلەدى. وسى ماسەلەنۋ شەشۋ ماقساتىندا پاۆلودار ءوڭىرىنىڭ جولشىلارى ات سالىسۋدا.

20 مامىر كۇنى پاۆلودار قالاسىنىڭ ءنومىرى 39 ورتا مەكتەبىندە “كازاۆتوجول” ۇك پاۆلودار وبلىستىق فيليالى، "جول اكتيۆتەرىنىڭ ۇلتتىق ساپا ورتالىعى" رمك پوف جانە س.تورايعىر اتىنداعى ۋنيۆەرسيتەتىنىڭ وكىلدەرى جاس تۇلەكتەرگە كاسىبي باعدار بەرۋ ءۇشىن ۇلكەن كەزدەسۋ وتكىزدى. وزەكتى شاراعا جوعارى سىنىپ وقۋشىلارى تاڭدالدى. سەبەبى، كاسىپتىك باعىت-باعدار بەرۋ ولار ءۇشىن بولاشاق مامان تاڭداۋىن دۇرىس جاساۋعا ءدال قازىر اسا ماڭىزدى. بۇگىن-ەرتەڭ جاس تۇلەكتەر الدىندا بولاشاق ماماندىعىن تاڭداۋ مىندەتى تۇر.

كەزدەسۋگە كەلگەن جوعارى ساناتتى جول ماماندارى ەلىمىزدىڭ جول سالاسىندا كاسىبي ماماندار تاپشى ەكەنىن ايتتى.  مينيسترلىك مالىمەتىنشە، جول قۇرىلىسى بويىنشا قازىرگى ەڭبەك نارىعىندا 2 مىڭعا جۋىق جولشى قاجەت ەكەن. كازاۆتوجول ۇك پاۆلودار فيليالى ماماندارى ايتۋى بويىنشا پاۆلودار وبلىسى اۆتوجول سالاسىنا  1500 جولشىلار قاجەت.

المات شوينباەۆ، كازاۆتوجول ۇك پاۆلودار فيليالىنىڭ ديرەكتور ورىنباسارى بۇل تۋرالى: «جول سالاعا جەتىسپەيتىن اسىرەسە كولىك قۇرىلىسى ماماندارى،  ونەركاسىپتىك قۇرىلىسى ماماندارى، كوپىر سالۋشىلار. بۇل مامانداردى تاڭدايتىندارى از. بيىلدان باستاپ كولىك مينيسترلىگى ۇسىنىسىمەن جوعارى وقۋ ورىندارىندا جول قۇرىلىسى ماماندىعىنا 1000-عا جۋىق ءبىلىم گرانتى بولىنەدى. بۇگىنگى كەزدەسۋدە وسى مۇمكىندىكتى پايدالانىپ، جالپى جولشى بولۋ قۇرمەتتى، بولاشاعى زور مامان ەكەنىن جەتكىزۋگە تىرىستىق».

جالپى بۇگىنگى تاڭدا تەحنيكالىق ماماندىقتار ۇلكەن پەرسپەكتيۆاعا يە. پرەزيدەنت ق.توقاەۆ  تەحنيكالىق ماماندىقتاردىڭ ماڭىزدىلىعىن اتاپ، بىلىمگە دەگەن كوزقاراستى وزگەرتۋ كەرەك ەكەنىن ايتتى. گۋمانيتارلىق ماماندىقتارعا اۋەستەنۋ كەزەڭى ءوتتى. جاقسى ينجەنەرلىك بىلىممەن ءسىز الەمنىڭ كەز-كەلگەن جەرىندە باسەكەگە قابىلەتتى بولا الادى.

جول ماماندارىن دايارلاۋدى ەلىمىزدىڭ 8 جوعارى وقۋ ورنى جۇرگىزەدى. سونىن ءبىرى – س.تورايعىر ات. ۋنيۆەرسيتەت. بىراق «ترانسپورتنوە سترويتەلستۆو» مامانىن وقىپ  جاتقان ستۋدەنتتەردىڭ سانى كوپ ەمەس. بيىلدان باستاپ جاس تۇلەكتەر جول مامانىن تاڭدايتىنىنا ۋنيۆەرسيتەت وكىلدەرى جانە جولشىلار ۇلكەن سەنىم ارتىپ وتىر.

«جول اكتيۆتەرىنىڭ ۇلتتىق ساپا ورتالىعى" رمك تالداۋىنا سايكەس، ەلىمىزدەگى تۇرعىن-ءۇي كوممۋنالدى شارۋاشىلىق، جولاۋشىلار كولىگى جانە اۆتوموبيل جولدارى باسقارمالارىندا قىزمەتكەرلەردىڭ 10%-نىڭ  عانا ارنايى سالالىق ءبىلىمى بار ەكەن. كادر تاپشىلىعى ماسەلەسىن شەشۋ ءۇشىن جول ساپا كاسىپورىنى مەكتەپتەردە كاسىپتىك باعدار بەرۋ جۇمىستارىن جۇرگىزۋگە باعىتتالعان "2000 مەكتەپ" اكتسياسىن ۇيىمداستىرعانىنا 5 جىل بولدى.

جولدىن ساپاسى سىن كوتەرمەيتىن سەبەبىنىڭ ءبىرى دە – بىلىكتى مامانداردىڭ جەتىسپەۋشىلىگى.

Abai.kz