قۇلسارى قالاسىنىڭ 209 تۇرعىنى تۇرعىن ءۇيدى قالپىنا كەلتىرۋگە قاراجات الدى.

اتىراۋ وبلىسىنىڭ توتەنشە جاعدايلار جونىندەگى شتابتىڭ حابارلاۋىنشا بۇگىنگە دەيىن كوميسسيا 1500-گە جۋىق ءۇيدى باعالاۋ قورىتىندىسىن دايىنداعان.

قالا بويىنشا 20 ءموبيلدى توپ قارقىندى دەمالىسسىز جۇمىس ىستەۋدە.

بۇگىنگى تاڭدا قۇلسارى قالاسىنىڭ 209 تۇرعىنى تۇرعىن ءۇيدى قالپىنا كەلتىرۋگە قاراجات الدى، ونىڭ ىشىندە 47 وتباسى تۇرعىن ءۇي سالۋ نەمەسە ساتىپ الۋ جانە 162 ادام جوندەۋ-قالپىنا كەلتىرۋ جۇمىستارى ءۇشىن تولەم الدى.

ء"ۇيىمىز اپاتتى دەپ تانىلىپ، اقشالاي وتەماقى الۋ ءۇشىن قۇجاتتاردى جيناپ بەرىڭدەر دەدى. 19 مامىردا بارلىق قۇجاتتاردى تاپسىرىپ، بانكتەن ەسەپشوت اشتىق. قازىردىڭ وزىندە 21 مامىردا قاراجات اۋدارىلدى. ءبىزدىڭ باسپاناعا ءادىل باعا بەرگەن جەرگىلىكتى اتقارۋشى ورگاندارعا ۇلكەن العىسىمدى بىلدىرەمىن", – قۇلسارى قالاسىنىڭ تۇرعىنى گۇلبارشىن قوڭىرباەۆا.

قۇلسارى قالاسى تۇرعىندارىنىڭ بۇلىنگەن مۇلكىن باعالاۋ جۇمىستارى وسى اپتانىڭ سوڭىنا دەيىن اياقتالادى دەپ جوسپارلانۋدا.

Abai.kz